Diretór Edukasaun Rejionál Oekuse, Daniel Mauno. Imajen TATOLI/Cipriano Colo

DILI, 05 agostu 2020 (TATOLI)-Rejiaun Administrativa Espesiál Oé-Cusse Ambeno (RAEOA) to’o loron 05 fulan-agostu ne’e foin re-ativa prosesu aprendizajen ba estudante sira iha eskola tolu, husi totál eskola akreditadu 100, tanba sei falta ekipamentu prevensaun COVID-19 atu instala iha eskola sira.

Eskola 100 ne’e kompostu husi pre-eskolár, ensinu báziku, ensinu sekundáriu no tékniku vokasionál.

 Notísia Relevante :Pursentu 80 Eskola iha Territóriu Re-Ativa Ona Prosesu Aprendizajen

Diretór Edukasaun RAEOA, Daniel Mauno, relata eskola 97 seidauk re-ativa tanba presiza atu kompleta mákina thermoscan ba kada eskola hodi kontrolu no prevene transmisaun pandemia globál coronavirus ba estudante sira.

“Ita husu ona apoiu ba Ministériu Edukasaun inklui parseiru dezenvolvimentu sira atu apoiu thermoscan  ba ita tanba ekipamentu ida ne’e de’it mak ita buka ona iha fatin hotu laiha,” dehan nia ba Tatoli, via telefone kuarta ne’e.

 Notísia Relevante :Governu Garante Eskola Hotu-Hotu Tenki Re-Ativa Durante Jullu

Maski sira hato’o ona pedidu ba MEJD no parseiru dezenvolvimentu sira atu apoiu thermoscan maibé to’o agora seidauk hetan resposta hodi kontinua adia prosesu aprendizajen ba estudante.

Nia esplika eskola tolu ne’ebé re-ativa ona maka Eskola Sentru Aprendizajen no Formasaun Eskolár (CAFE-sigla portugés) ida, eskola ensinu tékniku vokasionál ida no privada ida.

 Notísia Relevante :Eskola 78 iha Dili Re-Ativa Ona Prosesu Aprendizajen

Hatan ba preokupasaun ne’e, Diretór Nasionál Patrimoniu Lojístika no Teknolojia, Manuel de Jesus dos Santos, rejeita to’o ohin seidauk simu proposta ruma husi RAEOA. Maibé MEJD iha ona orariu atu dezloka ba RAEOA hodi buka solusaun ba problema ne’e.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here