Vice Ministru Edukasaun Juventude no Desportu Antonio Gutteres Hamutuk ho Embaixadór Austrália iha Timor-Leste, Peter Roberts Lansamento Distribuisaun ba Pakote Higenio ba Eskola Ensino Basico no Terseiru Siklu. iha MEJD, Tersa (21/07/20). Imajen/Egas Cristovão

DILI, 21 jullu 2020 (TATOLI)-Tuir dadus provizóriu husi Ministériu Edukasaun Juventude no Desportu (MEJD) fó sai  katak totál eskola 1.902 iha Timor-Leste, pursentu 80 hahú pre-eskolár to’o sekundáriu maka daudaun ne’e re-ativa ona sira-nia prosesu aprendizajen ba estudante sira.

Vise Ministru Edukasaun Juventude no Desportu, António Guterres, informa husi pursentu 20 ne’ebé seidauk re-ativa, eskola hamutuk 13  iha Munisípiu Dili, eskola ida iha Biqueli, Postu Administrativu Atauro, inklui eskola seluk tan iha territóriu TL.

Notísia Relevante :Ministru Armindo Sei Re-ativa Eskola Fazeadamente

“Ha’u agradese ba ita-nia entidade hotu ne’ebé mak halo esforsu maka’as hodi aselara prosesu ba re-ativa eskola sira iha Territoriu Timor Laran tomak. Dadus ne’ebé ha’u simu hatudu katak iha ona eskola pursentu 80 mak re-ativa ona ne’e progresu ida diak tebes ba ita,” dehan Governante bainhira distribui pakote ijiéne, ba eskola sira iha Ministériu Edukasaun Vila-Verde, tersa ne’e.

Kona-ba eskola ida iha Biqueli, Vise Ministru ne’e informa, segunda ne’e konfirma kedas kestaun ne’e ho Responsavel eskola atu oinsá re-ativa lalais prosesu aprendizajen ba estudante sira.

“Ha’u horiseik (segunda ne’e) halo konfiirmasaun kedan ho responsavel eskola iha Biqueli informa mai ha’u katak susar ba sira atu asesu ba apoiu sira inklui ajudu lojístika nian ne’ebé atu kobre to’o área refere, maibé ami tenta buka hela maneira oinsá atu bele ba to’o ne’ebá,”tenik Vise Ministru.

Tuir orariu antes fulan-jullu ramata eskola hotu-hotu iha territóriu Timor-Leste tenki re-ativa ona sira-nia prosesu aprendizajen.

Notísia Relevante :Eskola 78 iha Dili Re-Ativa Ona Prosesu Aprendizajen

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here