Estudante Sekundariu 30 Agostu, Komoro, Dili.Imajen/Antonio Goncalves

DILI, 13 jullu 2020 (TATOLI)-Diretór Servisu Edukasaun Munisípiu Dili, Duarte Braganza, relata eskola hamutuk 78 iha Munisípiu maka Dili re-ativa ona sira-nia prosesu aprendizajen ba estudante sira tanba prienxe ona padraun prevensaun COVID-19.

“Totál eskola 78 ne’e dadus semana kotuk nian, dadus foun ha’u seidauk simu, maibé ha’u fiar katak agora bele aumenta liután, eskola ne’ebé maka seidauk re-ativa hamutuk 135,” dehan nia ba Tatoli via telefone, segunda ne’e.

Husi totál eskola 135 ne’e kompostu husi ensinu pre-eskolár to’o ensinu sekundáriu no mós  eskola internasionál sira.

Nia dehan, ensinu pre-eskolár hamutuk 10 maka re-ativa ona hafoin hetan avaliasaun husi Ministériu Edukasaun Juventude no Desportu, Ministériu Saúde.

Eskola privada no públiku hamutuk 188 maka oras ne’e hetan ona akreditasaun husi Ministériu Edukasaun Juventude no Desportu.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here