Ministru Ensinu Superiór, Siénsia no Kultura, Longuinhos dos Santos. Imajen/Egas Cristovão

DILI, 24 jullu 2020 (TATOLI)-Governu liuhosi Ministériu Ensinu Superiór Siénsia no Inkluzaun (MESSK) daudaun ne’e prepara hela rezolusaun ida kona-ba indemnizasaun ba Komunidade Aileu ne’ebé sei sai afetadu ba projetu kontrusaun infraestrutura Sidade Universitáriu Aileu iha futuru.

Ministru Ensinu Superiór Siénsia no Kultura (MESSK), Longuinhos dos Santos, informa iha tempu badak sei aprenzenta ba iha reuniaun Konsellu Ministru hodi halo diskusaun no aprovasaun.

 Notísia Relevante :Harii Sidade Universitária Sei Tuir Kronograma

“Ami prepara dadaun ona rezolusaun ida iha tempu besik sei aprezenta ba Konsellu Ministru  atu bele hetan aprovasaun hodi nune’e ami bele apoiu indemnizasaun ba komunidade iha Aileu ne’ebé afetadu ba planu ne’e,” dehan Governante ba jornalista sira iha ninia servisu fatin sesta ne’e.

 Notísia Relevante :Konsultór Bernabad Arquitectura Aprezenta Relatóriu Prelimináriu Sidade Universitáriu Aileu

Tuir planu kosntrusaun infraestrutura Sidade Universidade Aileu ne’e aprenzenta on aba Vise Primeiru-Ministru, atuál Ministra Solidaridade Sosiál no Inkluzaun (MSSI), Armanda Berta dos Santos.

No iha tempu bada MESSK sei aprezenta mós ba Primeiru-Ministru, Taur Matan Ruak, molok kontinua aprezenta ba Konsellu Ministru.

Iha tinan oin, Governu liuhosi MESSK mós sei ezekuta planu modernizasaun Institutu Politékniku Betano, Same.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here