Ministru Edukasaun Juventude no Desportu, Armindo Maia, Reuniaun ho Ekipa World Food Programme iha MEJD, Tersa (21/07/20). Imajen/ Egas Cristovão

DILI, 21 jullu 2020 (TATOLI)-Programa Alimentár Mundiál (WFP-sigla inglés), iha kompromisu atu kontinua  fó apoiu tékniku ba Governu liuhosi Ministériu Edukasaun Juventude no Desportu (MEJD) hodi hadi’a menu aihan ba programa merenda eskolár.

Reprezentante World Food Programme (WFP), Dageng Liu. Imajen/ Egas Cristovão

“Ita halo ona revizaun ba manuál Ministériu Edukasaun Juventude no Desportu husi 0,25 centavu ba 0,50 centavu, revizaun manuál ministériu nian ne’e agora ita hanaran programa revizaun eskolár,”informa Reprezentante Country Director WFP iha Timor-Leste, Dageng Liu ba jornalista sira iha sala konferénsia MEJD Vila Verde, tersa ne’e.

Notísia Relevante :SAMES-WFP Hala´o Treinamentu Kona-ba Ai-han Nutrisaun No Aprovizionamentu

Tuir nia daudaun, tékniku husi MEJD, WFP, Ministériu Administrasaun Estatál (MAE) no CARE Internasionál halo ona elaborasaun finál ba manuál refere, garante katak tinan 2020 ramata bele finaliza hodi hahú implementa.

Ho revizaun manuál ba menu merenda eskolár ho intensaun maka atu hadi’a liután nutrisaun no kaloria alimentár ba estudante ensinu báziku sira iha territóriu Timor-Leste.

Nia esplika WFP ho MEJD hahú kedas iha tinan 2005-2011 estabelese ona kooperasaun hodi fó apoiu tékniku liliu oinsá halo observasaun ba implementasaun programa merenda eskolár no sujestaun sira hodi hadi’a diakliután programa ne’e.

Notísia Relevante :WFP Kontinua Apoiu Governu Hodi Hadi’a Nutrisaun

“Ita nafatin fó apoiu tekníku nune’e bele hadi’a programa merenda eskolár  ne’e bele iha nafatin kualidade atu labarik sira bele han ai-han ida propriu no kualidade durante prosesu aprendizajen la’o,”tenik tan.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here