Diretór Nasionál Aprovizionamentu Ministériu Saúde, Bernadino Armando da Silva. Foto TATOLI: Eugenio Pereira

DILI, 21 jullu 2020 (TATOLI)-Tuir relatóriu husi Governu liuhosi Ministériu Saúde fó sai to’o loron 21 fulan-jullu ne’e konsege halo ona pagamentu ba Otél no Kompañia 23 ne’ebé maka sai ona fatin kuarentena no fornesedór hahán ba Governu durante implementasaun Estadu Emerjénsia relasaun ho COVID-19 hahú marsu to’o juñu ne’e.

”Husi kompañia 23 ne’e iha kompañia fornesimentu hahán hamutuk 14 no otél hamutuk sia mak osan tama ona,” relata Diretór Aprovizionamentu Ministériu Saúde, Bernadino da silva, ba Agência TATOLI iha ninia servisu fatin Caicoli Dili, tersa ne’e.

Durante implementasaun EE, Governu kontratu kompañia ho otél hamutuk 51 maka presta ona servisu ba Ministériu Saúde hodi oferese fatin no hahán ba abitante Timoroan no Estranjeiru durante loron 14 hodi prevene pandemia globál surtu coronavirus iha Timor-Leste.

Notísia Relevante :MS Halo Ona Pagamentu  ba Kompañia Haat

”Kompaña ne’ebé mak ita kontratu ne’e hamutuk 51 maibé osan ne’ebé mak tama ona bankaria ne’e hamutuk 23,” nia esplika.

Nia hateten Kompañia no Otél hamutuk 23 ne’ebé maka Governu transfere ona sira-nia osan iha konta bankaria idaidak maka hanesan Otél Golgota, Helfia unipesoal LDA, Otél Vila Verde, Otél Time Square Develompment LDA,  Otél D’city, Fantiza Apartament.

Felicia Qeen, Otél Lecidere, Mesirom Restaurante, Surprise Unipesoál Lda, Vianey Catering Unipesoál LDA, Bemmequer Restaurante, City cafe Unip LDA, Dapur Timor,  Ervel Co LDA, Fortuna New Vir, Otél no Restaurante Audian LDA, Kety Bakery no Catering Unip LDA, Make Peace Enterprice Sakura Tower LDA, Mattrozec Gares Unip LDA, Montez Frere Unipesoál LDA, Nober Unipesoál LDA, Proniamor Company.

Notísia Relevante :MS Hetan Fundu COVID-19 Hamutuk Millaun $ 58-Resin

Nia dehan kompañia 20-resin maka seidauk halo pagamentu tanba servisu aprovizionamentu Ministériu Saúde nian sei prosesa hela dokumentu tanba kompañia balun dokumentu la kompletu.

”Espera katak ramata fulan-jullu ita sei halo pagamentu hotu tanba kompañia balun nia dokumentu ami haree didiak lai dokumentu komprovativu  ne’e balun seidauk kompletu entaun ami koopera ho kompañia para mai kompleta dokumentu bainhira ita hasai osan pagamentu ba kompañia sira ne’e,” tenik tan.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here