Ministra Negósiu Estranjeiru no Kooperasaun, adalgiza Albertina Xavier Reis Magno.Imajen/Antonio Goncalves

DILI, 16 jullu 2020 (TATOLI)-Governu liuhosi Ministériu Negósiu Estranjeiru no Kooperasaun (MNEK) deside ona sei lori fila mate isin-traballadór Timoroan iha Korea Súl, Carlito Ferreira hamutuk ho traballadór seluk ne’ebé vistu mate ona fila mai Timor-Leste iha loron 30 fula-jullu 2020.

“Ami prepara atu lori fila traballadór iha Korea hamutuk ho mate-isin ne’e iha 30 jullu,” dehan Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, iha Aeroportu Internasionál Prezidente Nicolau Lobato Dili, kinta ne’e.

Notísia Relevante :Governu Esforsu Lori Fila Mate-Isin Traballadór Timor-Oan iha Korea Súl

Prosesu ne’e la’o kle’ur oituan tanba Governu sei negosia hela aviaun husi Indonézia no Korea atu tula mate-isin no traballadór sira mai rai-laran.

Notísia Relevante :Traballadór Timor-oan Ida Iha Korea Súl Hakotu-Iis

Entretantu, antes ne’e Sekretáriu Estadu Formasaun Profesionál no Empregu (SEFOPE),  prevee ona osan hamutuk  $ 94.000 hodi lori fila tranballadór Timoroan iha Austrália no Korea Súl tanba vistu mate ona.

Tuir dadus husi SEFOPE relata traballadór vistu mate iha Korea Súl hamutuk na’in-86 no posibilidade sei aumenta.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here