Ilustrasaun. Imajen/Espesiál

DILI, 07 jullu 2020 (TATOLI)-Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, hateten Governu daudaun ne’e halo ona koordenasaun ho Embaixada TL iha Korea Súl  ho família matebian atu lori fila mate-isin traballadór Timoroan Carlito Ferreira mai Timor-Leste.

Matebian Carlito Ferreira husi Postu Administrativu Zumalai,Munisípiu Covalima, hakotu iis iha Korea Súl tanba sofre moras kankru iha Sábadu (04/07).

“Ami tenta hela ko’alia ho família no Embaixada atu haree hodi lori mate-isin fila tanba ida ne’e iha diskusaun nia laran ha’u labele fó sai lai nia rezultadu parese bele mai hamutuk ho traballadór sira ne’ebé atu fila ne’e ka oinsá, maibé atu haruka ketak susar oituan,” dehan Adaljiza, ba Jornalista iha edifísiu MNEK, Praia dos Coqeiros Dili, ohin.

Notísia Relevante: Traballadór Timor-oan Ida Iha Korea Súl Hakotu-Iis

Iha posilidade Mate-isin sei transporta hamutuk ho traballadór Timoroan sira ne’ebé maka vistu mate ona iha Korea Súl hodi fila mai TL iha tempu badak.

Entretantu, antes ne’e Governu liuhosu Sekretáriu Estadu Formasaun Profesionál no Empregu (SEFOPE) prevee ona orsamentu hamutuk $ 94.000 hodi lori fila traballadór hosi Austrália no Korea Súl ne’ebé vistu mate ona posibilidade matebian refere bele fila hamutuk ho traballadór hirak ne’e,”esplika Adaljiza.

Tuir dadus provizóriu hosi SEFOPE traballadór ne’ebé mak vistu mate iha Korea Súl hamutuk na’in-86 no iha posibilidade sei aumenta.

Jornalista  : Hortencio Sanchez

Editór        : Agapito dos Santos

HAKEREK NO HATÁN

Please enter your comment!
Please enter your name here