Kontra-atake entre jogadór Aitana FC no Assalam FC iha jogu kontinuasaun Tasa 12 Novembru ne’ebé hala’o iha Estádiu Munisipál Dili, ohin. Imajen Mídia LFA

DILI, 05 juñu 2020 (TATOLI)-Federasaun Futeból Timor-Leste (FFTL) iha tempu badak sei loke kopa futeból ba klube husi divizaun dahuluk no daruak ne’ebé hamahan an antes iha Liga Futeból Amadora atu sira bele halo kompetisaun.

“Ita iha planu atu halo kopa FFTL ba iha klube primeiru no sedundu divizaun sira, maibé ida ne’e ita sei haree ko’alia ho klube sira oinsá sira nia hanoin ba ida ne’e,” informa Adjuntu Sekretáriu Jerál FFTL, Frederico Martins, ba TATOLI iha Bairro Formosa Dili sesta ne’e.

Objetivu husi kriasaun kopa ne’e atu prienxe atividade futeból nian hodi subtitui provizóriu atividade seluk hanesan Liga Futeból Amadora (LFA)  ba 2020 tanba FFTL seidauk deside orariu fiksu.

Nia dehan atividade ne’e hetan fundu husi Federation International Football Asosiation (FIFA) no Asian Football Confederation (AFC) hodi dezenvolve área desportu iha Timor-Leste.

“Haree jogadór sira paradu tempu naruk tebes husi novembru tinan kotuk to’o agora. Karik atu re-ativa hikas LFA ita tenke halo lai atividade ida ba jogadór sira nune’e bele prepara sira nia an ho di’ak liután atu nune’e iha agostu ka setembru liga hahú hikas jogadór sira preparadu,” Fredérico esplika tan.

Maski iha ona planu maibé sei konsulta kestaun ne’e  ho Sentru Integradu Jestaun Krize (CIGC-sigla portugés) no Polisia Nasionál Timor-Leste (PNTL)hodi hetan autorizasaun tanba ligasaun ho propagasaun surtu COVID-19.

Aleinde ne’e FFTL sei halo mós preparasaun atu rega ai-moruk dezifentante ba kampu futeból no mós instala tanki fase liman hodi fasilita jogadór sira bainhira halo kompetisaun hodi prevene transmisaun coronavirus.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here