Kontra ataka entre jogadór SCT (costum matak makerek) no Assalam FC (costum matakl) iha Estádio Municipál Dili, Kuarta horsehik. Imajen Mídia LFA

DILI, 14 jullu 2020 (TATOLI)-Klube Futebol Assalam FC daudaun ne’e preparadu atu kompete iha Kopa Federasaun Futeból Timor-Leste (FFTL) ne’ebé maka sei realiza iha fulan-agostu 2020 ho jogadór hamutuk na’in 20.

Prezidente klube Assalam FC, Ipolito Soares, hateten husi jogadór na’in 20 ne’e, ema na’in 18 sidadaun Timoroan no Na’in ida  sidadaun Indonézia mak Mumin hanesan jogadór avansadu no Andrew hosi Ghana hanesan guarda rede.

“Ami preparadu no komesa ona treinu horiseik (13/07), Jogadór hamutuk 20-resin mak sei joga,”informa Prezidente Klube ba TATOLI via mídia sosiál facebook, ohin.

Notísia Relevante :Hapara Subsídiu ba Klube, Assalam Sente Todan

Hatan kona-ba ninia jogadór balun ne’ebé maka oras ne’e muda ona ba klube seluk, nia dehan sei  la fó impaktu tanba klube iha jogadór seluk ho prestasaun di’ak atu kompete iha eventu ne’e.

Notísia Relevante :Impata ho Assalam, Lalenok Kandidatu Forte Kampiaun

Jogadór na’in tolu hanesan Daniel Adadi hosi Ghana muda ona Lalenok United FC, Edit Savio muda ona ba klube Boavista FC Timor no Armindo muda ona ba Lalenok United FC.

Ho jogadór na’in tolu ne’e maka antes ne’e reforsa klube Assalam hodi hetan vitoria iha Primeira Divizaun Liga Futeból Amadora (LFA) époka 2019.

Notísia Relevante :Assalam Tebe Sai Cacusan Hosi Tasa 12 Novembru

Klube Assalam FC hanesan klube Primeira Divizaun ne’ebé promovidu iha tinan 2018 hamutuk ho Lalenok United FC hosi segundu divizaun.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here