Ministru ba Asuntus Kombatentes Libertasaun Nasionál, Júlio Sarmento da Costa "Meta Mali". Imajen/Egas Cristovão

DILI, 14 jullu 2020 (TATOLI)–Ministru Asuntu Kombatente Libertasaun Nasionál (MAKLN), Júlio da Costa ‘Meta Malik’, hateten veteranu balun iha munisípiu entrega dokumentu funu nian ba Kay Rala Xanana Gusmão ne’e sei konserva iha Arkivu Muzeu Rezisténsia Timorrense (AMRT). 

Notísia Relevante: Meta Malik: “Aman ba Nasaun Tenke Rai Hela Buat Di’ak ba Jerasaun Foun Sira”

“Veteranu sira entrega kona-ba dokumentu funu nian ka apelu ruma, ne’e bele entrega ba Maun Boot Xanana maibé nia fatin mak iha muzeu tanba dokumentu hotu-hotu sei tau iha muzeu. Arkivu Muzeu Rezisténsia Timorrense (AMRT) mak fatin atu konserva sasán funu nian,” Ministru Asuntu Kombatente Libertasaun Nasionál (MAKLN), Júlio da Costa ‘Meta Malik’ ba jornalista sira iha Palásiu Governu, tersa ne’e. 

Governante ne’e dehan, sasán hotu-hotu ne’ebé mak entrega ba Xanana Gusmão ne’e atu relembra de’it katak farda funu nian, kilat funu nian, no dokumentu ka karta balun veteranu mak hakerek tanba na’in ne’e matebian tiha ona ne’e, Xanana sei la rai iha uma no sei entrega hotu ba iha Arkivu Musei Rezisténsia Timorrense (AMRT).

Hatán ba Xanana nia preokupasaun kona-ba verifikasaun ba veteranu sira iha área remotas, nia dehan, loos tanba veteranus la’ós iha Dili de’it maibé iha veteranu sira ne’e hela namkari Timor laran tomak liuliu hela iha aldeia, suku no postu administrativu sira.

“Xanana hatene muito bem. Sé mak sustenta komandu da luta durante tempu funu ne’e la’ós iha Dili laran, maibé ida fó han, haki’ak funu-na’in sira iha iha to’os laran sira ne’e mak sira ne’ebé karau-atan, bibi-atan sira no sira ne’ebé mak kee kumbili mak sustenta komandu da luta,” Meta Malik hateten.

Tanba ne’e, nia dehan, laiha razaun ba Governu atu halo verifikasaun to’o iha área remotas entaun sei bele la’o to’o iha aldeia sira hodi tama-sai iha komunidade ida-idak nia uma.

Notísia Relevante: Governu Prepara Formuláriu Rihun 10-Resin Atu Fahe ba Uma-Lisan iha TL

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here