Diretór Ezekutivu Centro Nacional Chega (CNC), Hugo Maria Fernandes. Imajen/Mídia CNC.

DILI, 15 jullu 2020 (TATOLI)–Diretór Ezekutivu Sentru Nasionál Chega (CNC, sigla portugés), Hugo Maria Fernendes, hateten kona-ba lei kriminaliza difamasaun no asuntu difamasaun ne’e rekomenda ba Governu atu halo liuhosi lei sivíl no labele sai nu’udar lei krime.

Notísia Relevante: CI Husu MJ Kansela Esbosu Lei Kriminaliza Difamasaun

“Centro Nacional Chega (CNC) rekomenda ba Governu atu asuntu difamasaun ne’e halo liuhosi lei sivil,” dehan Diretór Ezekutivu CNC, Hugo Maria Fernandes, ba Agência TATOLI liuhosi entrevista iha nia knaar fatin, Antigu Komarka, Balide, Dili, segunda ne’e. 

Tanba, nia fó razaun, iha rekomendasaun hosi relatóriu CAVR “Chega!” ne’e hateten klaru katak lei difamasaun labele sai lei krime ida hodi husik tribunál haree hanesan kazu sivíl hodi tau regulamentu ne’ebé loloos kona-ba asuntu ida-ne’e.

Notísia Relevante: Akara: “Esbosu Lei Kriminaliza Difamasaun Laiha Intensaun Bandu Liberdade Espresaun”

“Nu’udar entidade estadu nian ida ne’ebé mak hetan knaar atu implementa no promove rekomendasaun sira ne’e, iha rekomendasaun “Chega!” nian ne’e hatete ba lei difamasaun labele sai nu’udar lei krime entaun nia konteudu ne’e oinsá mak ami husik ba Ministériu Justisa,” Hugo hateten.

Tuir nia, aleinde Ministériu Justisa hetan ona pareser oin-oin hosi entidade sosiedade sivíl, akadémiku balun, hosi entidade estadu nian hanesan instutu publiku sira, hosi entidade estadu nian sira formulasaun ne’e atu sai oinsá ne’e, Cento Nacional Chega (CNC) aprova de’it.

Hugo hatutan, iha futuru buat sira ne’ebé mak ladún di’ak iha pasadu ne’e labele akontesetan tanba realidade haree katak durante tinan 24, ema Timor laiha liberdade atu espresa sira-nia hanoin no direitu.

“Liberdade karik tenke selu ho konsekuénsia ne’ebé mak todan hanesan mate, hetan tortura oin-oin, buat sira ne’e hotu ne’e tanba de’it ema espresa ema-nia liberdade espresaun. Ita-nia mídia sira durante periódu pasadu Indonézia, mídia públiku sira labele hato’o informasaun ne’ebé mediamente kona-ba sá mak akontese,” nia dehan. 

Entaun, nia informa, informasaun sira-ne’e mai hosi mídia klandestina sira entaun hosi rekomendasaun Chega! ida-ne’e iha 2005 hateten katak primeiru Governu fó onra ba servisu jornalista sira ne’ebé mak akontese tiha ona iha tinan 24 nia laran

“Tanba ne’e mak iha semana kotuk, Centro Nacional Chega (CNC) ho Conselho de Imprensa (CI) lansa induzaun ba jornalista sira no mós lansa prémiu jornalizmu ba pás ka prémiu Maria Goreti,” nia hateten. 

Notísia Relevante: Esbosu Lei Kriminaliza Difamasaun Labele “Viola” Prinsípiu Konstitusionál

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here