Bebé foin moris. Ilustrasaun

DILI, 15 janeiru 2020 (TATOLI) – Xefe Departamentu HNGV, Sara Maria Xavier, infrorma iha tinan 2019 bebé ka kosok-oan ne’ebé moris iha Hospitál Nasionál Guido Valadares (HNGV) hamutuk ema na’in 5.791.

“Husi totál bebé 5.791 ne’ebé moris iha 2019 ne’e, iha inan ne’ebé mak partu normál  hamutuk ema na’in 4.355 no partu cesariana hamutuk ema na’in 892, inklui  kazu abortu hamutuk ema na’in 536,” dehan Xefe Departamentu HNGV, Sara Maria Xavier, ba jornalista sira iha HNGV, Bidau, Dili, ohin.

Nia hatutan, bebé ne’ebé mak mate iha inan nia knotak hamutuk ema na’in 97 noós bebé ne’ebé moris mai depois loron hitu nia laran mate tanba ho komplikadu hanesan asifiksia ka menus oksijenia entaun bebé sira ne’e mate hamutuk ema na’in 103.

”Depois bebé ne’ebé mate tanba moris mai ho pesu kiik hanesan bebé ne’ebé moris ho premature (fulan seidauk to’o), ida ne’e bebé hamutuk ema na’in 17,’’ nia infroma.

Nia haktuir, bebé  ne’ebé mate tanba tolan bee fo’er husi  inan-nian  kabun laran, bebé  seidauk moris mai tolan ona entaun labele dada iis ho di’ak ne’e, mate hamutuk ema na’in hitu (7).

Tuir nia, bebé sira ne’ebé mak mate tanba infeksaun hamutuk ema na’in 14 no bebé ne’ebé mate ho kazu sira seluk hamutuk ema na’in 26.

Bebé mate iha inan nia kabun laran tanba inan sofre moras komplikasaun króniku hanesan hipertensaun no anemia ne’e mak kauza ba bebé ne’ebé mate iha inan nia knotak.

“Bebé ne’ebé mak moris mai loron hira ona mak mate, mak  hanesan bebé sira ne’e pezu ki’ik no inan nia kondisaun ho moras durante gravida. Entaun, bebé ne’e moris mai sofre moras ida naran asifiksia entaun kazu mate no bebé dalaruma tolan inan nia bee manas,” nia relata.

Notísia relevante:OMS Rekomenda Fó Susu-Been Inan Ba Bebé Iha Oras Ida-Nia Laran

Jornalista   : Felicidadade Ximenes

Editór          : Rafy Belo

HAKEREK NO HATÁN

Please enter your comment!
Please enter your name here