Memensio Sequeira Freitas.

DILI, 07 jullu 2020 (TATOLI)—Kompiladór livru Manuál Rezumu Biolojia, Memensio Sequeira Freitas, hateten razaun hamosu livru kompilasaun ida-ne’e tanba livru ofisiál ne’e kompleksu, presizu (presize) no konsizu (padat) liu no iha lakunas balu ke livru la konsege aprezenta.

Notísia Relevante: Governu Apresia ba Profesór Timoroan Na’in-2 Hakerek Livru Biolojia

Tanba ne’e, nia hatutan, difikulta profesór no estudante sira iha prosesu ensinu aprendizajen, nune’e Manuál Rezumu Biolojia ba 10o to’o 12o Anu eskolaridade sai hanesan livru Komplementár ida ba manuál ofisiál.

“Ami nia razaun hamosu kompilasaun ida-ne’e tanba livru ofisiál ne’e kompleksu, presizu (presize) no konsizu (padat) liu no iha lakunas balu ke livru la konsege aprezenta. Nune difikulta profesór no estudante sira iha prosesu ensinu aprendizajen. Nune’e, manuál rezumu ne’e sai hanesan livru Komplementár ida ba manuál ofisiál,” dehan Kompildaór livru Biolojia, Memensio Sequeira Freitas, ba Agência TATOLI liuhosi entrevista hafaoin hala’o lansamentu livru Manuál Rezumu Biolojia ba  10o-12o anu ba Ensinu Sekundária sira, iha Eskola Sekundária Privadu São Pedro, Comoro, Dili, segunda ne’e.

Imajen/Facebook.

Nia esplika, Manuál Rezumu Biolojia ba 10o to’o 12o Anu eskolaridade mosu nu’udar esforsu hosi kompiladór sira atu kontribui ba prosesu melloramentu sistema edukativu timoroan sira nian, prinsipalmente iha Unidade Kurrikular Biolojia. Tuir nia, sistema edukativu iha Timor-Leste ne’e la di’ak maibé atu mellora kualidade edukasaun di’ak liután ne’e, sai nu’udar responsabilidade koletivu inklui manorin sira. 

Tanba ne’e, nia sita matenek na’in Morgado hodi deskreve katak manuál eskolár iha atu estabelese relasaun estreita entre prátika pedagójika no propózitu hosi prosesu aprendizajen hodi alkansa metas ka objetivu nu’udar manorin bainhira hala’o ka dezempeña ninia knaar ka serbisu.

“Manuál eskolár konstitui mediadór prinsipál ba kurrikulu desempeñadu iha papel fundamentál idaké komporta pakote estrutura hosi informasaun formál sira ba iha kontestu transmisaun ka akijisaun ba koñesimentu determinado sira ne’ebé diskute iha sala de aula no ho forma oinsá informasaun hirak ne’e bele tranzmite. Manuál hirak ne’e iha ninia impaktu forte iha sala de aula, ba alunu sira reprezenta dixiplina ne’e rasik no ba manorin no inan-aman sira reprezenta referénsia estável ida,” nia hateten.

Hosi hanoin ida-ne’e, nia hatutan, ezisténsia hosi manuál eskolár ne’e esensiál atu apoia programa sira ensinu aprendizajen nian iha unidade kurrikulár oin-oin bazeia ba objetivu hosi kompilasaun manuál rezumu hanesan fornese referénsia ka kompleta manuál ofisiál.

“Objetivu hosi kompilasaun manuál rezumu ida ne’e nian mak fornese referénsia idaké bele apoia estudante sira iha prosesu aprendizajen no ba manorin sira iha atividade ensinu, kompleta manuál ofisál ne’ebé hasai hosi Ministériu Edukasaun, suporta alunu sira-nia estudu ba preparasaun ba ezame nasionál nian, enrikesa no promove Biolojia nu’udar siénsia ida, no kontribui ba melloramentu ba kualidade edukasaun iha rai doben Timor-Leste,” nia esplika.

Nia informa, konteúdu hosi manuál rezumu ida-ne’e organiza bazeia ba Planu Kurrikulár Biolojia ba Ensinu Sekundáriu Jerál Timor-Leste, ne’ebé maior parte (60%) mai hosi manuál ofisiál ne’ebé emite hosi MEJD, iha 2011. Nia restu (40%) mai hosi referénsia relasionadu oin-oin hanesan hosi hosi livru no situs internet kredível sira.

Jerálmente, nia haktuir, organizasaun hosi manuál rezumu ida-ne’e organiza ba 10.º anu: Unidade Temátuika (UT) I, Biodiversidade e Dinámica de Vida, UT II, Interações Biológicas e Saúde Humana e  UT III, A Matéria e a Energia Para Vida. Ba 11.º anu: UT IV, Dinâmica Biológica e Produção Vegetal, UT V, Dinámicas Biológicas e Produção Animal e UT VI, Biodiversidade, Evolução e Classificação. Ba 12.º anu: UT VII, Crescimento e Renovação dos Organismos, UT VIII, Reprodução e Variabilidade dos Seres Vivos e UT IX, Biodiversidade e Património Genético

Notísia Relevante: SECOMS Fó Motivasaun ba Timoroan Sira Labele “Ko’alia De’it” Maibé “Hakerek”

Hosi Unidade Temátika sira ne’e, nia informa, iha mós lakunas balun ne’ebé eziste iha manuál ofisiál MEJD nian no kompleta iha manuál rezumu ida-ne’e mak hanesan, iha pájina 42, deskreve kona-ba Fotosínteze ne’ebé iha manuál ofisál deskreve de’it kona-ba ninia definisaun no reasaun kímika ne’ebé okore iha finál hosi prosesu, enkuantu iha manuál rezumu ne’e kompleta mós ho ninia prosesu no etapa tomak oinsá mak prosesu fotosínteze ne’e akontese hodi rezulta substánsia viva ka substánsia orgánika ida hanesan glikoze.

Iha pájina 75, nia dehan, ema hetan kona-ba dadus paleontolojia ne’ebé manuál ofisiál fó de’it kona-ba diferente aminoásidu iha hemoglobina hosi makaku rhesus no lampreia nian, enkuantu iha manuál rezumu ida-ne’e kompleta ho dadus aminoásidu hosi seres vivus seluk nian kompleta ho maneira oinsá mak bele hetan persentajen hosi kada ser vivu ida-idak nia dadus.

Iha pájina 116 ba oin, nia esplika, ema hasoru kona-ba kruzamentu ke iha manuál ofisiál la fó nein ezemplu ida kona-ba kruzamentu ne’e rasik, enkuantu iha manuál rezumu ida-ne’e kompleta ho kada tipu hosi kruzamentu ida-idak atu bele fasilita estudante sira-nia entendimentu kona-ba jenétika.

“Aleindé ezemplu tolu iha leten, iha tan lakunas barak iha manuál ofisiál ne’ebé manuál rezumu ida-ne’e komplementa ho informasaun nesesaria sira seluk,” nia dehan.

Entretantu, iha livru Manuál Rezumu Biolojia ne’ebé hakerek ho Lian Portugés ne’ebé kompila hosi kompiladór na’in-rua (2), Profesór Biolojia, Memensio Siqueira Freitas no João da Costa, kompostu hosi Unidade Temátiku (UT) 9 (ba 10o to’o 12o) no kompleta mós ho kolesaun ba pontu ezame nasionál hosi tinan 2013 to’o 2019 ho ninia resposta sertu ho breve esplikasaun, ho totál pájina hamutuk 186 no ninia lista referénsia bibliográfika hamutuk 59 livru sira no situs internet.

Biografia

Nome : Memensio Sequeira Freitas

Lugar e Data do Nascimento : Ossú, 8 de Outubro de 1978

Sexo : Masculino

Morada : Ossú

Religião : Católico

Habilitação Literária : Pós-Graduado

Educação e Formação Educação Formal

  1. Pôs Graduado em Gestão Educacional, Universidade Nacional Timor Lorosae (2010);
  2. Licenciado em ensino de Biologia, Universidade Nacional Timor Lorosae (2007);
  3. Concluído o Ensino Secundário (Ciências Naturais) em Escola Secundária Sta. Madalena de Canossa Ossú (1995 – 1998);
  4. Concluído o Ensino Pré- Secundário em Escola Secundária No. 3 Díli (1994 – 1997;)
  5. Concluído o Ensino Primário em Escola Primária são Luís Gonzaga VI, Dili (1986 – 1992).

As Formações

  1. Curso Enhancing Learning Technology em SEAMEO-RECSAM, Malaysia (2016);
  2. Curso Intensivo da Formação Nacional de Professores do Ensino Básico, Secundário e Técnico Vocacional com Conteúdo: Contexto Geral e a Função do Currículo (2010), com certificado;
  3. Curso Intensivo da Formação Nacional de Professores do Ensino Básico, Secundário e Técnico Vocacional nas Áreas de Conhecimento Geral, Língua Portuguesa e Matemática Básica (2009), com certificado;
  4. Curso de Capacitação em Biologia (2008), com certificado;
  5. Curso da Língua Portuguesa Nível 3 (2007), com certificado;
  6. Curso da Língua Portuguesa Nível 2 (2006), com certificado.

Experiência Professional

  1. Coordenador do Programa Formação aos Jovens na Paróquia de Ossú, (2014 – 2017);
  2. Docente Parte Tempo no Departamento da Biologia FEAH – UNTL (2011);
  3. Professor Parte Tempo no Colégio de Fatumaca ( 2011);
  4. Formador da Biologia (2010);
  5. Assunto Estudantil na ESG. Pública Olocassa Ossú (2009 – 2016);
  6. Professor em exercício na Escola Secundária Pública Olocassa Ossú.
  7. Competenciais Pessoais Domínio de Línguas Nú. Lingua Ler Escrita Falar
  8. Português Muito Bom Muito Bom Bom
  9. Tetum Muito Bom Muito Bom Muito Bom
  10. Inglês Bom Bom Suficiente
  11. Malaio Muito Bom Muito Bom Muito Bom

Competencias de Comunicação

  • Boa capacidade de comuniçação adquiridas através da experiência profissional enquanto assumir cargo como professor da disciplina de biologia na Escola Secundária;
  • Boa capacidade de interação como os outros;
  • Boa capacidade de organizar o trabalho e procurar ultrapassas dificuldades Competências de organização
  • Boa capacidade em liderança: adjunto director assunto estudantil, coordenador do Grupo de Ciências e Matemática na Escola Secundária Pública Olocassa Ossu, Coordenador na atividade de feira de Santa Teresinha (2018); coordenador da cooperação entre Willoughby Friend of Ossú (Sydney Austrália) com Cidade Amiga de Ossú (Timor Leste) desde 2015 até à data e diversas atividades. Competências técnicas
  • Tenho a capacidade de análise; Competências informáticas
  • bom domínio no Software Microsoft Office e Internet Outras Competências: Jurí de Certame e Master of Cerimony. VI. Outras informações
  • 1º classificado no concurso escrita em Língua Português no ano de 2010 na comemoração do mês da Educação sob o Título: “Gestão do Recursos Humanos na Educação em Timor Leste”:
  • Aprovado com valor 61% no Exame Nacional de Certificação de Competências de Língua Portuguesa no dia 27 de abril de 2012;
  • Escritor do Livro “Misaun Ossú; Hanoin tinan 75 nia Ezisténsia iha Reinu Ossú-Ossoroa” (2012).

Jornalista : Osória Marques

Editór       :  Cancio Ximenes

HAKEREK NO HATÁN

Please enter your comment!
Please enter your name here