Xefe Bankada UDT/FM, Francisco Xavier Carlos, Imajen/ Egas Cristóvão

DILI, 07 jullu 2020 (TATOLI)—Xefe Bankada UDT/FM, Francisco Xavier Carlos, hateten Lei Antí Corrupção (LAC) ne’ebé oras ne’e Komisaun A (Justisa no Konstitusionál) oras ne’e diskute no aprova kada artigu iha munisípiu Manufahi no Aileu, atu haforsa liután Comissão Antí Corrupção (CAC) hodi buka-tuir “Ema-ne’ebé riku-matak derrepente”.

Notísia Relevante: LAC Artigu 26 Kontrola Ema ho Kargu Públiku Nia Rikusoin

“Vantajen Lei Antí Corrupção  ne’e atu haforsa liután Comissão Antí Corrupção (CAC). Prinsipál liu mak atu halo prevensaun ba korrupsaun no buka-tuir ema-ne’ebé riku-matak derrepente no ajente estadu hotu-hotu ne’ebé jere Orsamentu Jerál Estadu tuir dalan ne’ebé loos,” Xefe Bankada UDT/FM, Francisco Xavier Carlos, informa ba Agência TATOLI, iha resintu Parlamentu Nasionál, tersa ne’e.

Tuir nia, aktu korrupsaun ne’e hamate povu no ekonomia nasaun nian tanba ne’e Timor-Leste tenke iha LAC hodi halo prevensaun ba situasaun hirak ne’e labele mosu.

“Bainhira LAC ne’e hetan aprovasaun bele regula loloos ema-ne’ebé komete krime korrupsaun, deklarasaun bens tanba iha Timor ne’e ema-ne’ebé ho grau II bele iha uma andár no laiha kontrolu tanba ne’e LAC ne’e fó kompeténsia CAC atu buka-tuir”, hateten Xefe Bankada UDT/FM ne’e.

Purtantu, Komisaun A Parlamentu Nasionál no instituisaun relevante aprova ona Lei Antí Corrupção (LAC) artigu 26.

Notísia Relevante: Artigu 27, LAC Fó Kompeténsia ba CAC Atu Simu Deklarasaun Bens no Interese

Jornalista : Evaristo Soares Martins

Editór       :  Cancio Ximenes

1 KOMENTÁRIU

HAKEREK NO HATÁN

Please enter your comment!
Please enter your name here