Eis Portavóz CIGC atual Diretora Jerál Prestasaun Servisu Saúde, Odete da Silva Viegas. Imajen/Egas Cristovão

DILI, 06 jullu 2020 (TATOLI)–Diretora Jerál Prestasaun Saúde, Odete Viegas da Silva, informa fatin kuarentena obrigatóriu tolu ne’ebé maka Governu prepara iha Dili daudaun ne’e prontu ona hodi akumula abitante sira bainhira fila husi estranjeiru.

Nia esplika Governu instala ona kuarentena obrigatóriu iha Suku Tibar, Postu Administrativu Bazartete, Munisípiu Liquiçá no kuarentena Tasi-Tolu no Vera Cruz Dili.

Tanba ne’e maka timoroan no ema estranjeiru obrigatóriu tenke aplika kuarentena obrigatóriu bainhira fila husi rai-li’ur.

”Fatin Kuarentena sira ne’ebé mak Governu prepara ne’e preparadu ona hanesan fatin Tasi-Tolu,  Tibar no mós Vera Cruz,” dehan Odete.

Notísia Relevante: Governu Transforma Kuarentena Rua Sai Fatin Izolamentu

Ba Kuarentena Obrigatóriu iha fronteira terrestre Motain, nia hateten durante semana ida-ne’e, Ministériu Saúde sei distribui fasilidade no mobiliáriu hodi kompleta fatin ne’ebá. Aleinde ne’e, sei prepara mós seguransa ba lavandaria no tein.

Notísia Relevante: Abitante 59 iha Kuarentena Tasi-Tolu ho Otél Faról Fila ba Uma

”Daudaun ne’e fatin kuarantina ne’ebé Governu prepara mak iha Tasi-Tolu ema ne’ebé mak tama Kuarentena hamutuk 59,  husi 59 ne’e iha bebé ida fulan rua no inan isin rua ida,  no mós labarik tinan ida no ema sira-ne’e ami tau hamutuk ho família iha kuartu ida,” tenik Odete.

Notísia Relevante: Kuarentena Tibar Hahú Funsiona

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here