Lider Karizmátiku, Kay Rala Xanana Gusmão, observa direita Timoroan ne’ebé izola iha fatin kuarentena Otél Novo Horizonte Metiaut, Dili. Imajen/Eugénio Pereira

TIBAR, 23 marsu 2020 (TATOLI)-Diretóra Jerál Prestasaun Saúde, Odete Viegas da Silva, informa estabelesimentu Fatin Kuarentena iha Suku Tibar, Postu Administrativu Bazartete, Munisípiu Liquiça hahú funsiona iha segunda (23/03/2020) hafoin Ministériu Saúde termina prosesu reabilitasaun.

“Fatin ne’e iha uma hitu no uma rua iha kuartu tolu, no uma lima iha kuartu rua,hamutuk ho tenda haat no uma ne’e nia kapasidade simu ema hamutuk 60,”informa Odete ba Jornalista sira iha Tibar, segunda (23/03/2020).

Fatin ne’e sei koloka obrigatóriu ba Timoroan ne’ebé maka foin fila hosi nasaun afetadu durante loron 14 hodi observa sira-nia saúde antes fila ba idaidak nia uma.

Ba Fatin izolamentu, Nia esplika dadaun ne’e iha prosesu reabilitasaun no garante katak iha semana ida ne’e sei finaliza hodi hahú uza ba pasiente COVID-19.

Entertantu, Ministériu Saúde iha Domingo (22/03/2020) obrigadu tenke buka otél hodi sai fatin kuarentena tanba prosesu reabilitasaun Kuarentena iha Tibar seidauk finaliza.

Jornalista : Felicidade Ximenes

Editór       : Agapito dos Santos

 

HAKEREK NO HATÁN

Please enter your comment!
Please enter your name here