DILI, 03 jullu 2020 (TATOLI)-Xefe Sentru Saúde Comoro, Milena do Rego, informa ninia parte kontinua implementa sistema triajén ba pasiente sira ho objetivu atu halo prevensaun no metigasaun ba surtu COVID-19.

”Durante iha fulan-maiu to’o juñu ami halo atendimentu triajén ba pasiente sira hamutuk 30-resin no amostra sira ne’e ami rekomenda ba Laboratóriu Nasionál hodi halo teste,” dehan nia ba Jornalista Sira iha Comoro.

Notísia Relevante :Sentru Saúde Becora Kontinua Implementa Sistema Triajén ba Pasiente

Medíka Jerál iha Sentru Saúde Comoro ne’e hateten, implementasaun sistema triajén ne’e refere liuba pasiente ho moras ispa respiratóriu grave.

Pasiente 30-resin ne’e ninia rezultadu negativu tanba ne’e Sentru Saúde Comoro livre husi transmisaun lokál ba COVID-19.

Notísia Relevante :Atividade Triajen Husi Suai Konsege Hasai Amostra Ema Na’in-50, Maliana Na’in-27

”Kona-ba médiku sira ne’ebé mak servisu iha triajén  ami pesoál saúde sira ne’ebé mak hakna’ar an iha Sentru Saúde Comoro  entaun atendimentu triazén ne’e ami mak halo rotasaun servisu hodi atende pasiente sira ne’ebé mak mai halo tratamentu iha ne’e,” subliña, Milena do Rego.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here