COVID-19

DILI, 03 jullu 2020 (TATOLI)-Atu prevene no halo metigasaun ba surtu COVID-19 iha Timor-Leste, maka to’o oras ne’e Sentru Saúde Becora kontinua implementa sistema triajén ba pasiente sira ho sintoma hanesan coronavirus.

Xefe Sentru Saúde Becora, Adelina Pinto, hateten nia parte rejista pasiente ho sintoma coronavirus hamutuk ema na’in 49, maibé  rezultadu teste laboratóriu negativu.

”Pasiente hamutuk 49 ne’e mane na’in 18 feto 31 mak durante ami haruka amostra ba Laboratóriu Nasionál maibé rezultadu negativu tanba ne’e mak triajén ne’e to’o agora ami kontinua nafatin hala’o,” dehan nia kinta ne’e iha Becora.

Nia esplika maski foinlalais Ministériu Saúde husu ona atu hapara  sistema triajén maibé sira kontinua implementa ho razaun halo prevensaun ba pandemia globál COVID-19.

”Agora ami  sei kontinua halo nafatin triajén entaun obstaklu boot mak fatin maibé ami buka dalan oinsá para kontinua nafatin triajén ne’e too hotu. No iha triajén ne’e rasik koloka médiku na’in rua no enfermeiru na’in rua,”nia hateten.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here