Logotipu MEJD

DILI, 01 jullu 2020 (TATOLI)-Ministériu Edukasaun Juventude no Desportu (MEJD), kuarta ne’e simu apoiu ekipamentu prevensaun coronavirus hanesan máskara 40.000 no hand sanitizer 560 husi Governu Xina.

Vise Ministru Edukasaun Juventude no Desportu, António Guterres, hafoin simu apoiu ne’e husi Embaixadór Xina iha TL, Xiao Jianguo, hateten ekipamentu ne’e sei kontinua distribui ba estudante sira iha liña fronteira terrestre, Bobonaro, Covalima, RAEOA no Munisípiu seluk tan.

Notísia Relevante :Xina Apoiu Ekipamentu Prevensaun COVID-19 ba MESSK

“Ita sei distribui máskara sira ne’e iha tempu besik, tan ne’e ohin ha’u mai kedan ho diretór sira ne’ebé servisu iha ekipa atu prepara distribuisaun, no semana ida ne’e ita tenki halo ona,” dehan nia ba Jornalista sira iha edfisíu Embaixada Xina Ai-Tarak-Laran Dili.

Notísia Relevante :EUA Apoiu Máskara ba MEJD

Entretantu, MEJD mós antes ne’e simu apoiu máskara rihun 15 husi Estadu Unidus Amérika, máskara rihun 25 husi Austrália.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here