Estudante Fakuldade Medisina, Siénsia no Saúde (FMSS), Universidade Nasionál Timor Lorosa’e (UNTL). Foto: FMSS

DILI,18 juñu 2020 (TATOLI)-Dekanu Fakuldade Medisina no Siénsia Saúde, Universidade Nasionál Timor-Lorosa’e (UNTL), José Dionísio Soares, hateten nia parte prontu hodi kontribui rekursu umanu ba Ministériu Saúde tuir Planu Estratéjiku Nasionál Dezenvolvimentu Umanu Seitór Saúde periodu 2020-2024.

”Dahuluk ami-nia papel mak halo formasaun entaun formasaun ne’e iha área lubuk ida liliu ba iha área profisionál sira tanba durante ne’e ami halo ona formasaun mak hanesan ba iha área medisina, enfermazen, parteira, farmásia, laboratóriu, no nutrisaun,” dehan nia, hafoin partisipa seromina lansamentu Planu Estratéjiku Nasionál Dezenvolvimentu Umanu Seitór Saúde periodu 2020-2024, iha Otél Novo Turizmu, ohin.

Notísia Relevante :MS Lansa Planu Estratéjiku Dezenvolvimentu Rekursu Umanu ba Tinan Haat

Fakuldade Medisina Siénsia Saúde UNTL iha Departementu neen hodi kontinua prodúz rekursu umanu para forñese ba Ministériu Saúde bainhira presiza.

”Entaun ami iha departamentu neen ona ne’ebé mak agora daudaun eziste hela no banhira formasaun ne’e hotu ami tenki oferese ba Ministériu saúde atu utiliza tuir nesesidade ne’ebé mak hateten ona iha planu estratejiku desenvolviemntu nian tanba ne’e mak ami nia presenza ohin atu mai kontribui liu husi área formasaun edukasaun nian,” tenik tan.

Ba futuru sei loke tan formasaun ba estudante sira iha área enfermazen anestezia no dentaria ka nehan.

Notísia Relevante :OMS Promete Tulun MS Dezenvolve Rekursu Umanu

“Ami halo hela planu husi Ministériu Saúde hanoin atu halo formasaun ba iha área enfermazem anestezia no ami iha tan hanoin ida atu harii tan kursu foun ruma ba iha medisina dentaria,”dehan nia.

“Ami mak forma no Ministériu Saúde mak sai utilizadór tanba ida ne’e mak sira konsidera lori ami mai tuir lansamentu planu nasionál estratejiku desenvolvimentu hodi bele atende ba iha moris diak povu nian,”tenik tan.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here