Diretór Jerál Ministeriu Soliedariedade Sosial no Inkluzaun (MSSI), Rui Manuel Gago Exposto. Imajen/Nelson Sousa

DILI, 12 juñu 2020 (TATOLI)–Ohin, pagamentu subsídiu ba uma-kain sira iha territoriu Timor-Leste tama ona ba loron dahaat. Iha loron dahaat ne’e, Governu liuhosi Ministériu Solidaridade Sosiál no Inkluzaun (MSSI) relata rezulatdu pagamentu loron datoluk (kinta, 11/06/2020) nian ba publiku.

Notísia Relevante: Pagamentu Loron Daruak, Totál Reklamasaun Hamutuk 1.339

Diretór Jerál Ministériu Solidaridade Sosiál no Inkluzaun, Rui Manuel Gago Exposto, informa no relata progressu pagamentu subsídiu monetáriu ba uma-kain ho totál uma-kain ne’ebé simu ona pagamentu hamutuk 79.987, totál osan ne’ebé selu ona hamutuk $15.997.400.

“Ohin, loron 12 juñu 2020, ha’u atu relata progressu pagamentu subsídiu monetáriu ba família uma-kain, ba loron datoluk (11/06/2020) nian to’o iha oras 20:00 kalan. Ekipa pagamentu MSSI halo ona pagamentu iha munisípiu 12 iha Timor-Leste nia detallu maka hanesan totál uma-kain ne’ebé simu ona pagamentu hamutuk 79.987, totál osan ne’ebé selu ona hamutuk $15.997.400,”  Diretór Jerál Ministériu Solidaridade Sosiál no Inkluzaun, Rui Manuel Gago Exposto, informa ba  jornalista sira iha salaun MSSI, Caicoli, Dili, sesta ne’e. 

Nia hatutan, naran iha lista benefisiáriu hosi Munisípiu 12 la inklui Oé-Cusse hamutuk uma-kain 298.495 no totál montante orsamentu aprovadu ba Munisípiu 12 la inklui Oé-Cusse hamutuk  $59. 699.000.

Dadus pagamentu kada munisípiu, nia informa,iha Munisípiu Aileu, totál uma-kain ne’ebé simu ona pagamentu hamutuk 5.834, totál osan ne’ebé selu ona hamutuk $1.116.800 no totál naran iha lista benefisiáriu hamutuk uma-kain 12.958. 

Iha Munisípiu Ainaro, totál uma-kain ne’ebé simu ona pagamentu hamutuk 2.734, totál osan ne’ebé selu ona hamutuk $546.800 no totál naran iha lista benefisiáriu hamutuk uma-kain 17.245.

Notísia Relevante: Governu Esforsu Finaliza Pagamentu Subsídiu $200 iha 14 Juñu

Iha Munisípiu Baucau, totál benefisiáriu ne’ebé simu ona pagamentu hamutuk uma-kain 10.190, totál osan ne’ebé selu ona hamutuk $2.038.000 no totál naran iha lista benefisiáriu hamutuk  uma-kain 34.151. 

Iha Munisípiu Bobonaro, totál uma-kain ne’ebé simu ona pagamentu hamutuk 9.172, totál osan ne’ebé selu ona hamutuk $1.834.400 no totál naran iha lista benefisiáriu hamutuk uma-kain 28.342. 

Iha Munisípiu Covalima, totál uma-kain ne’ebé simu ona pagamentu hamutuk 6.989 , totál osan ne’ebé selu ona hamutuk $1.397.800 no totál naran iha lista benefisiáriu hamutuk uma-kain 18.262. 

Iha Munisípiu Dili, totál uma-kain ne’ebé simu ona pagamentu hamutuk 13.590, totál osan ne’ebé selu ona hamutuk $2.718.000 no totál naran iha lista benefisiáriu hamutuk uma-kain 64.913. 

Iha Munisípiu Ermera, totál uma-kain ne’ebé simu ona pagamentu hamutuk 6.254, totál osan ne’ebé selu ona hamutuk $1.250.800 no totál naran iha lista benefisiáriu hamutuk uma-kain 32.585. 

Iha Munisípiu Lautém, totál uma-kain ne’ebé simu ona pagamentu hamutuk 5.834, totál osan ne’ebé selu ona hamutuk $1.116.800 no totál naran iha lista benefisiáriu hamutuk uma-kain 18.474. 

Iha Munisípiu Liquiçá, totál uma-kain ne’ebé simu ona pagamentu hamutuk 3.836, totál osan ne’ebé selu ona hamutuk $767.200 no totál naran iha lista benefisiáriu hamutuk 20.357. 

Iha Munisípiu Manatuto, totál uma-kain ne’ebé simu ona pagamentu hamutuk 4.298, totál osan ne’ebé selu ona hamutuk $859.600 no totál naran iha lista benefisiáriu hamutuk 13.938. 

Iha Munisípiu Manufahi, totál uma-kain ne’ebé simu ona pagamentu hamutuk 4.955, totál osan ne’ebé selu ona hamutuk $991.000 no totál naran iha lista benefisiáriu hamutuk 15.008. 

Iha Munisípiu Viqueque, totál uma-kain ne’ebé simu ona pagamentu hamutuk 6.301, totál osan ne’ebé selu ona hamutuk $1.260.200 no totál naran iha lista benefisiáriu hamutuk 22.262. 

Diretóe Jerál ne’e hatutan, sumáriu jerál hosi progressu pagamentu iha nivél munisipál katak Munisípiu Dili hamutuk 16.99%, tuir mai mak Baucau iha 12.74%, Bobonaro iha 11,47%, Covalima iha 8.74%, Viqueque 7.88%, Emera 7.82%, Lautem ho Aileu 7.29%, Manufahi 6.19%, Manatuto 5.37%, Liquiça 4.80% no Munisípiu Ainaro 3.42%.

Nia relata, totál reklamasaun ne’ebé tama horiseik kompostu hosi Munisípiu 12 hamutuk 2.282 reklamasaun.

“Ita-nia prosesu pagamentu to’o agora oras 10:00 atinje ona uma-kain hamutuk 88.125 mak simu ona pagaemntu no totál osan ne’ebé mak selu ona ba sira mak 17.625.000 ba totál uma-kain 289.495 uma-kain,” nia dehan.

Notísia Relevante: Governu Benefísia Uma-Kain 298.119 iha Munisípiu 12

Jornalista : Osória Marques

Editór     :  Cancio Ximenes

HAKEREK NO HATÁN

Please enter your comment!
Please enter your name here