Diretór Jerál Ministeriu Soliedariedade Sosial Rui Manuel Gago Exposto.Imajen/Tatoli Egas Cristovao.

DILI, 11 juñu 2020 (TATOLI)–Governu liubosi Ministériu Solidaridade Sosiál no Inkluzaun (MSSI), ohin, atualiza rezultadu pagamentu subsídiu $200 ba loron daruak nian ne’ebé realiza iha munisípu 12 ne’e ba públiku. 

Notísia Relevante: Governu Atualiza Dadus Pagamentu Subsídiu $200 ba Loron Dahuluk

Diretór Jerál Ministériu Solidaridade Sosiál no Inkluzaun (MSSI), Rui Manuel Gago Exposto, hateten hosi rezultadu pagamentu loron daruak nian (tersa, 10/06/2020) konsege halo pagamentu ba uma-kain 44.831 ne’e deteta totál reklamasaun hosi munisípiu 12 hamutuk 1.339. 

“Pagamentu loron daruak nian, ita konsege halo pagamentu ba uma-kain 44.831. Hosi dadus ne’e, ita konsege deteta totál reklamasaun hosi Munisípiu 12 la inklui Rejiaun Administrativa Espesiál Oé-Cusse Ambeno (RAEOA) hamutuk 1.339,” dehan Diretór Jerál Ministériu Solidaridade Sosiál no Inkluzaun, Rui Manuel Gago Exposto, ba jornalista sira iha salaun MSSI, Caicoli Dili, kinta ne’e.

Rreklamasaun hirak ne’e, nia hatutan, sei ami agrupa tuir reklamante sira-nia ezisténsia katak sira-nia problema mak saida, mak hafoin pagamentu iha loron 15 ramata mak MSSI-MAE atu haree hodi rezolve reklamasaun sira-ne’e. 

Hosi reklamasaun hirak ne’e, nia atualiza dadus detallu maka hanesan totál uma-kain ne’ebé simu ona pagamentu hamutuk 44.831, totál osan ne’ebé selu ona hamutuk $8.966.200 ba naran sira iha lista benefisiáriu hosi Munisípiu 12 la inklui Oé-Cusse mak uma-kain hamutul 298.495. 

“Totál montante orsamentu aprovadu ba Munisípiu 12 la inklui  Oé-Cusse  hamutuk $59 699.000,” nia informa.

Nia informa, iha Munisípiu Aileu, totál uma-kain ne’ebé simu ona pagamentu hamutuk 3.281, totál osan ne’ebé selu ona hamutuk $656.200 no totál naran iha lista benefisiáriu hamutuk uma-kain 12.958. 

Iha Munisípiu Ainaro, totál uma-kain ne’ebé simu ona pagamentu hamutuk 1.375, totál osan ne’ebé selu ona hamutuk $275.000 no totál naran iha lista benefisiáriu hamutuk uma-kain 17245. 

Iha Munisípiu Baucau, totál uma kain ne’ebé simu ona pagamentu hamutuk 5.866, totál osan ne’ebé selu ona hamutuk $1.173.200 no totál naran iha lista benefisiariu hamutuk uma-kain 18 262. 

Iha Munisípiu Dili, totál uma kain ne’ebé simu ona pagamentu hamutuk 8372, totál osan ne’ebé selu ona $1.674.400 no total naran lista benefiriáriu hamutuk uma-kain 64,913. 

Iha Munisípiu Ermera, totál uma-kain ne’ebé simu ona pagamentu hamutuk 3,277, totál osan ne’ebé selu ona hamutuk $655,400 no  total naran iha lista benefisiáriu hamutuk uma-kain 32,585. 

Iha Munisípiu Lautem, totál uma-kain ne’ebé simu ona pagamentu hamutuk hamutuk 3.317, osan ne’ebé mak selu ona hamutuk $663.400 no totál naran benefisiáriu iha lista hamutuk uma-kain 18.474.

Iha Munisípiu Liquiça, totál uma-kain ne’ebé simu ona pagamentu hamutuk 2.047, osan ne’ebé mak selu ona hamutuk $4090.400 no totál naran iha lista benefisiáriu mak hamutuk uma-kain 20.357. 

Iha Munisípiu Manatuto, totál uma-kain ne’ebé simu ona pagamentu hamutuk 2238, totál osan ne’ebé selu ona hamutuk S447,600 no totál naran iha lista benefisiariu hamutuk uma-kain 13.938. 

Iha munisipiu Manufahi, totál uma-kain ne’ebé sime ona pagamentu hamutuk 3.000, totál osan ne’ebé selu ona hamutuk $600,000 no totál naran iha lista benefisiáriu hamutuk uma-kain 15.008. 

Iha Viqueque, totál uma-kain ne’ebe simu ona pagamentu hamutuk 3.442, totál osan ne’ebe selu ona hamutuk $688.400 no totál naran iha lista benefisiária hamutuk uma-kain 22,262. 

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here