Logotipu AJAR

DILI, 10 juñu 2020 (TATOLI)-Diretór Asia Justice and Right’s (AJAR), José Luis de Oliveira, afirma kriminaliza difamasaun sei lori derrota ba demokrasia iha estadu direitu demokrasia Timor-Leste.

Notísia Relevante : CI Konsidera Lei Kriminaliza Difamasaun Kontra Espíritu Konstituisaun RDTL

“Kona-ba esforsu governu nian atu halo lei kriminaliza difamasaun ne’e ha’u hakarak dehan, id- ne’e hanesan derrota ida  ba ita-nia demokrasia no ita atu lori ita nia nasaun atu tama ba ditadura,” afirma Diretór AJAR, José Luis de Oliveira, ba Ajénsia Tatoli, ohin, iha nia kna’ar fatin Faról, Dili.

Konteúdu ezbosu lei ba alterasaun kódigu sivíl ba kódigu penal hodi kriminaliza difamasaun ne’ebé Ministériu Justisa prodús iha faze elaborasaun ne’e,  tuir José Luis Oliveira, atu próteze no labele hetan kritika ba governante, relijiozu, polítiku inklui funsaun públika.

José Luis de Oliveira hateten, lei ne’e atu próteze klase sosiál ida no ignora tiha prinsípiu igualdade iha konstituisaun artigu 16 atu trata ema hotu hanesan.

“Sira serbisu la di’ak ita labele kritika no nonook de’it, maibé kuandu ita kritika difama mak bele hetan kastigu,” José Luis Oliveira hateten.

Diretór AJAR tenik tan, lei ne’e sei fó dezvantajen barak liu ba povu no sei limita partisipasaun indireta hodi kontrola lala’ok Governu enkuantu kriminaliza tiha difamasaun.

Notísia Relevante : HAK: La Nesesáriu Kriminaliza Difamasaun

Nia esplika, difamasaun ne’e labele kriminaliza, maibé
nu’udar aktu violasaun ida direitu sivíl, hanesan iha lei manifestasaun, komunikasaun sosiál, kódigu sivíl, tanba ne’e kuandu ema ruma sente prejudikadu ba nia privasidade bele hato’o ba parte justisa, la’ós atu halo tan lei penal hodi kriminaliza.

Nia prefere, polítika governu tenke iha kanál hanesan iha mídia sosiál ema tolok malu oinsá atu halo edukasaun sívika hodi rezolve.

Jornalista : Nelson de Sousa

Editór       : Francisco Simões

 

1 KOMENTÁRIU

  1. Konkorda ho Sr. Jose Luis Guterres. Lei ida-ne’e la presiza duni, ka, karik presiza duni mos, ba aban bainrua, agora la’os ninia tempu. Tuir loloos ne’e ukun-na’in sira fo uluk prioridade ba lei kona-ba korrupsaun no pensaun vitalisia.

HAKEREK NO HATÁN

Please enter your comment!
Please enter your name here