Eis Prezidenti da Republika, Ramos Horta.Imajen/Antonio Goncalves

DILI, 10 juñu 2020 (TATOLI)-Eis Jornalista Seniór, José Ramos Horta, hateten la konkorda ho kriasaun esbosu lei difamasaun ne’ebé maka daudauk ne’e prodúz husi Governu liuhosi Ministériu Justisa.

“Ha’u rasik hatete ona lá konkorda  ho lei difamasaun, primeiru buat ida ne’ rejultadu maihosi luta ba independensia mak liberdade, ho nune’e mak ha’u la aseita,” dehan Horta ba TATOLI iha ninia rezidensia Metiaut Dili, ohin.

Notísia Relevante :CI Konsidera Lei Kriminaliza Difamasaun Kontra Espíritu Konstituisaun RDTL

Tanba tuir nia esbosu lei ne’e sei limita liberdade sidadaun Timoroan atu espresa sira-nia opiniaun.

“Sé nune’e jornalista sira komesa tauk, Sosiedade Sivil sira komesa tauk no estudante sira tauk tanba ko’alia ida ne’e sira bele lori kedan ba Tribunál,”tenik Eis Prezidente Repúblika, José Ramos Horta.

Notísia Relevante :Governu Presiza Define Didi’ak Esbosu-Lei Kriminaliza Difamasaun

Nia sujere ba Governu konstitusionál daualu atu konsentra ba aselera prosesu dezenvolvimentu nasionál liliu hasa’e ekonomia povu, agrikultura, seguransa alimentár no seluk tan tanba mandatu Governu falta de’it tinan tolu.

Notísia Relevante :Esbosu Lei Kriminaliza Difamasaun Labele “Viola” Prinsípiu Konstitusionál

Jornalista : Hortencio Sanchez

Editór       : Agapito dos Santos

2 KOMENTÁRIU

  1. Artigo 40 Konstituisaun RDTL
    1. Ema hotu-hotu iha direitu ba Liberdade koalia no direitu atu hetan informasaun ruma no tan informasaun lolos nian
    2. Liberdade koalia no informasaun ninian labele hetan limitasaun husi sensura ruma

    Se iha tan Lei Kriminaliza Difamasaun, kontra CRDTL ka lae?

HAKEREK NO HATÁN

Please enter your comment!
Please enter your name here