Ministra Edukasaun, Juventude No Desportu, Dulce De Jesus Soares, simu apoiu maskara husi Embaixadora Amérika Ba Timor-Leste, Kathleen M. Fitzpatrick iha salaun MEJD, Vila-Verde, Dili Tersa (02/06).Imajen /Egas Cristovão

DILI, 05 juñu 2020 (TATOLI)-Governu liuhosi Ministériu Edukasaun Juventude no Desportu (MEJD) sesta ne’e, ofisialmente distribui ona máskara hamutuk rihun 15 ba eskola Ensinu Báziku Públiku hodi fahe ba estudante sira iha Munisípiu Bobonaro, Covalima, Liquiça, Dili no Rejiuan Autónomu Espesiál Oé-Cusse Ambeno (RAEOA).

Máskara  ne’ebé mak Governu distribui ne’e apoiu husi Embaixada Estadu Unidus Amérika  ba MEJD hodi halo prevensaun ba transmisaun surtu COVID-19.

“Ami halo ona distribuisaun máskara  faze dahuluk ba eskola Ensinu Báziku Públiku  iha Munisípiu lima depois mak ami sei konsentra fali ba eskola sira iha parte Leste,”informa Ministra Edukasaun Juventude no Desportu (MEJD), Dulce de Jesus Soares, ba Jornalista sira iha salaun Ministériu Vila-Verde, sesta ne’e.

Notísia Relevante :Ohin, Amerikanu Na’in 14 Fila ba EUA

Iha faze daruak nian, MEJD sei konsentra ba parte leste nian hodi distribui máskara  hamutuk 25.000 ne’ebé antes ne’e hetan apoiu doasaun husi Embaixada Austrália.

“Husi totál  Máskara  ne’ebé mak MEJD simu ona husi Embaixada rua ne’e hamutuk 26.500,” katak Governante.

Notísia Relevante :Austrália Kontinua Apoia Timor-Leste Luta Kontra COVID-19

Husi totál máskara 26-resin ne’e, Dulce garante bele responde ona nesesidade estudante sira  iha eskola  Ensinu Báziku Públiku 942 iha Territóriu Timor-Leste.

Governante ne’e haktuir tan distribuisaun ne’e halo de’it ba EBP la inklui Eskola Sekundária  no mós eskola privada sira.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here