Sidadaun Estadu Unidu Amérika na’in-14, iha domingu (12/04), desloka ba sira nia rain ho Airnorth tanba surtu COVID-19. Imajen Tatoli/António Gonçalves

DILI, 11 abril 2020 (TATOLI)–Embaixada Estadu Unidu Amérika (EUA) iha Dili, Timor-Leste, ohin (domingu, 12 abril 2020), lori sai (repatria) sidadaun EUA na’in 14 ba Estadu Unidu tanba surtu COVID-19.

Sidadaun Amerikanu na’in 14 ne’e, transporta ho Aviaun Air North, ne’ebé to’o iha aeroportu Internasional Nicolau Lobato Comoro, Dili, iha tuku 06:30 no semo hikas iha tuku 07:30 otl.

Tuir komunikadu ne’ebé fó sai hosi Embaixada EUA iha Dili haktuir, Ministériu Negosiu Enstranjeiru EUA no Embaixada Estadu Unidu iha Timor-Leste laiha tan prioridade boot seluk aliened seguransa ba sidadaun EUA nian ne’ebé hela iha nasaun seluk.

“Tanba limitasaun opsaun viajen komersial, fim da semana nee, ami disponibiliza voo espesiál ida ba sidadaun EUA no rezidente permanente legal EUA nian sira neebé hakarak sai husi Timor-Leste,” haktuir Embaixadora EUA iha Timor-Leste, Kathleen Fitzpatrick.

Embaixada EUA iha Dili kontinua nia operasaun ho asaun prevensaun tuir Governu Timor-Leste nia Estadu Emerjensia no kontinua iha komitmentu atu apoia Timor-Leste hodi hasoru dezafiu COVID-19 nian.

Tanba ne’e, iha loron 09 fulan abrik 2020, Embaixadora Fitzpatrick anunsia ona katak Estadu Unidu liuhosi Ajensia ba Dezenvolvimentu Internasional (USAID) iha komitmentu atu oferese millaun $1.1 hodi tulun Governu Timor-Leste luta kontra COVID-19 iha Timor-Leste.

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here