Komisária Komisaun Nasionál Direitu Labarik, Dinorah Granadeiro. Imajen Espesiál.

DILI, 01 juñu 2020 (TATOLI)–Komisária Nasionál Direitu Labarik (KNDL), Dinorah Granadeiro, informa iha fulan janeiru to’o maiu tinan ne’e, KNDL simu keixa kazu abandona no violénsia doméstika hosi vítima sira kuaze 15.

Notísia Relevante: Cidália Nobre: “Labarik Mak Esperansa Ba Futuru”

“Iha fulan janeiru to’o agora tinan ne’e, ita simu keisa kuaze purvolta 15 hanesan ne’e. Maibé ne’ebé mak barak liu mak kazu abandona inklui kazu violénsia doméstika. Bainhira ita simu keixa hirak ne’e ita faselita vítima sira ne’e hodi hatama ba iha instituisaun relevante sira,” dehan Komisária Nasionál Direitu Labaraik (KNDL), Dinorah Granadeiro, ba jornalista sira hafoin hala’o vizita ba labarik sira moras iha HNGV, segunda ne’e.

Nia dehan, enflizmente KNDL labele halo atendementu ba kazu maibé atendementu kazu ne’e barak liu iha Ministériu Públiku (MP) nian no mós iha instituisaun sira ne’ebé mak nia papel ba atendementu kazu. Maibé normálmente KNDL kontinua fasilita hodi rejistu kazu iha tinan ne’e hahú fulan janeiru to’o agora.

“Purezmplu ita simu kazu abondona entaun ita lori sira ba Ministériu Públiku nune’e bele apoiu sira hodi relata ba sira no hein prosesu tuir mai. Kazu hotu haruka hotu-hotu ba Ministériu Públiku tanba kazu hirak ne’e ita konsidera hanesan krime,” nia dehan.

Aleinde ne’e, nia dehan, iha kazu tolu ka haat mak KNDL fasilita no haruka ona ba Uma Mahon tanba vítima sira sente la seguru hela atu kontinua hela iha sira-nia uma rasik. Ho ida ne’e, KNDL komunika Uma Mahon sira atu fasilita sira hodi hela iha Uma Mahon no hein prosesu tuir mai.

“Ami mós haruka ona kazu tolu ka haat ba Uma Mahon atu asegura sira (vítima) tanba vítima rasik la seguru atu kontinua hela iha sira-nia uma,” nia esplika.

Komisária Nasionál Direitu Labraik, Dinorah Granadeiro hateten, na’in ba kazu hirak ne’e mak Ministériu Públiku no KNDL mak simu keisa no rejistu nune’e haruka ba iha MP hodi halo prosesu tuir mai.

Notísia Relevante: Governu Sei Submete Fali Proposta Lei Protesaun Labarik Ba MAPK

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here