Prezidente Repúblika,Francisco Guterres Lú Olo. Imajen Tatoli/António Gonçalves

DILI, 27 maiu 2020 (TATOLI)–Xefe Estadu Francisco Guterres “Lú Olo” dekreta ona estensaun Estadu Emerejénsia ba datoluk ba loron 30 tan, hafoin hetan autorizasaun hosi Parlamentu Nasionál iha kuarta (27 maiu 2020) ohin ho votu a-favór 40, kontra 1, abstensaun 0 no deputadu auzente iha plenária hamutuk na’in-24.

Notísia Relevante: PN Autoriza PR Lú Olo Dekreta Estensaun EE Datoluk

Dekretu Prezidensiál ne’e, ofisialmente publika ona iha jornál repúblika ho númeru 35/2020.

Iha mensajen PR nian ba deputadu sira iha PN antes ne’e hateten, Estadu Emerjénsia ba períodu datoluk sei funsiona iha oras 00:00 loron 28 fulan maiu to’o oras 23:59 loron 26 fulan juñu 2020.

Entretantu, Estadu Emerejénsia (EE) ba datoluk ne’ebé Prezidente Repúblika renova, sei suspende direitu tolu mak hanesan Sirkulasaun internasionál, Liberdade sirkulasaun no hili hela-fatin iha territóriu nasionál, inklui direitu ba rezisténsia.

Suspensaun ba direitu tolu ne’e, PR Lú Olo hato’o liuhosi mensajen Prezidente Repúblika ba Parlamentu Nasionál kona-ba Renovasaun ba deklarasaun Estadu Emerjénsia ba territóriu nasionál tomak, tuir artigu 85 alínea g) hosi Konstituisaun Repúblika Demokrátika Timor-Leste hahú hosi 28 -Maiu to’o 26 Juñu 2020.

Notísia Relevante:  Estadu Emerejénsia Datoluk Sei Suspende Direitu Tolu

Jornalista : Cipriano Colo

Editór        : Cancio Ximenes

HAKEREK NO HATÁN

Please enter your comment!
Please enter your name here