Komandante Jerál PNTL, Komisáriu Faustino da Costa. Imajen TATOLI/António Gonçalves

DILI, 09 marsu 2020 (TATOLI)- Autor  membru Polisia Nasionál Timor-Leste (PNTL) balun mak deskonfia  fahe video investigasaun ba suspeitu prodús osan falsu iha rede sosiál Facebook.

Notísia Relevante : Xanana ho Mau-Nana La Envolve iha Kazu Prodús Osan Falsu

Liuhosi enkontru ho Primeiru-Ministru (PM), Taur Matan Ruak, iha Palásiu Governu, ohin,  Komandante Jerál PNTL, Komisáriu Faustino da Costa, relata katak, sira-nia parte informa kle’an ba PM Taur Matan Ruak, kona-ba autór membru PNTL balun ne’ebé deskonfia fahe gravasaun video investigasaun kazu prodús osan falsu iha rede sosiál Facebook.

“Ami ko’alia mós publikasaun media sosiál Facebook kona-ba osan falsu hodi fó informasaun kle’an kona-ba problema ne’e ba Primeiru Ministru Taur Matan Ruak hodi hatene,” informa Komisáriu  Faustino da Costa,  ba jornalista, hafoin enkontru ho PM Taur Matan Ruak.

Nia dehan, kazu ne’e rasik PNTL mezmu haruka ekipa ba Indonézia, so akompaña de’it, tanba autoridade seguransa Indonézia maka iha kompeténsia atu investiga kle’an ba autór sira ne’ebé envolve iha kazu ne’e.

Notísia Relevante : Bruno Magalhães ho Nia Grupu iha Hela Sela POLDA Metro Jaya

“PNTL La halo investigasaun ba osan falsu, kestaun ne’e maka divulgasaun video investigasaun ne’ebé  viral iha média sosiál,” hateten Faustino da Costa.

Iha parte seluk, komisáriu Faustino da Costa, aprezenta mós situasaun problema populasaun Suku Tibar, Munisipiu Liquiça ne’ebé halo asaun protesta hodi la simu desizaun Governu hodi harii Sentru Izolamentu ba pasiente virus Corona iha Community House Limited, Tibar.

Nia dehan, mezmu komunidade sira halo protesta, maibé parte Governu no Komandu PNTL kontinua koopera fó seguransa ba sentru ne’e.

Jornalista : Eugénio Pereira

Editór       : Francisco Simões

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here