DILI, 04 marsu 2020 (TATOLI)-Governu Xina liuhosi ninia Embaixadór iha Timor-Leste, Xiao Jianguo kuarta ohin, entrega ekipamentu ba Governu Timor-Leste hodi halo prevensaun ba coronavirus iha Timor-Leste.

Sekretáriu Jerál MNEK, Jorge Camoês, hafoin simu tulun ne’e informa Xina fó apoiu ekipamentu ne’e ba Timor-Leste baseia ba pedidu hosi Ministériu Saúde foinlalais.

Notísia Relevante :OMS Apoiu Ekipamentu Prevensaun Coronavirus ba MS

“Ekipamentu ne’ebé ita hetan hosi governu Xina bazeia ba pedidu ita-nian ne’ebé hato’o ba sira no sira responde kedas ekipamentu ba ita hodi bele deteta moras Coronavirus ne’ebé mak ema hotu preokupa tebes,” dehan Jorge iha Salaun Ministériu Negósiu Estranjeiru no Kooperasaun (MNEK)Praia dos Coqeiros Dili.

Tuir planu MS nian sei monta ekipamentu hirak ne’e iha Aeroportu Internasionál Prezidente Nicolau Lobato no fatin sira iha  Fronteira Terrestre Batugade Munisípiu Bobonaro no seluk tan.

Notísia Relevante :MS ho OMS Seidauk Identifika Pasiente Coronavirus iha TL

“Ekipamentu sira ne’e mak hanesan Suitecase no sasan saúde nian hamutuk kaixa lima,”nia esplika tan.

Iha biban hanesan Embaixadór Xina iha Timor-Leste,  Xiao Jianguo relata nia parte entrega mós kamera infraret  ho ninia funsaun atu deteta pasiente coronavirus bainhira identifika positivu.

Notísia Relevante :MS Identifika Ona Fatin Izolamentu Coronavirus

“Kamera ne’ebé ami fó bolu naran infrared sei deteta temperatura hosi ema-nia isin bainhira iha mudansa ruma bele deteta kedan,”relata Xiao Jianguo.

Embaixadór Xina ba Timor-Leste ne’e fiár katak Ministériu Saúde sei uza ekipamentu hirak ne’e hodi halo prevensaun ba coronavirus iha Timor-Leste.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here