Eskola Sekundáriu Tékniku Vokasionál (ESTV-Ekonomia no Komérsiu). Foto TATOLI: Nelia Fernandes

DILI, 02 marsu 2020 (TATOLI)-Diretór Jerál Asuntu Polítiku Planeamentu no Kooperasaun hosi Ministériu Edukasaun Juventude no Desportu, Antoninho Pires, hateten komunidade barak daudaun ne’e sei kontinua okupa areadór eskola públika sira iha Munisípiu Dili.

Nia haktuir, ezemplu ida maka akontese iha Eskola Bázika Filiál (EBF) Akadiruhun, Eskola 10 de Desembro Dili, Eskola Tékniku Vokasionál Becora no fatin seluk tan.

Notísia Relevante : Uma-Kain 15 Okupa Areadór Eskola 10 Dezembru Perturba Prosesu Aprendijazén

“Ita hatene eskola iha Dili laran ne’e kuaze komunidade okupa hotu kedas. Ne’ebé, ami nafatin serbisu hamutuk ho terras propriedade atu haree situasaun oinsá bele ko’alia fali ho Ministériu Justisa atu haree kondisaun sira ne’e,” hateten Antoninho Pires ba Tatoli iha edifísiu Banku Sentrál Timor-Leste, segunda (2/03/2020).

Mezmu antes ne’e Tribunál fó ona notifikasaun ba okupante sira hodi hamamuk ona fatin hirak-ne’e maibé to’o agora sei kontinua okupa hodi perturba prosesu aprendizajen  estudante sira-nian.

Notísia Relevante : Tribunál Notifika Ona Komunidade Okupa Aredór Eskola EBC Akadiruhun

“Ita iha kompeténsia atu fó hatene de’it ba komunidade. Purke ita laiha kbi’it atu foti desizaun, instituisaun ne’ebé iha kbi’it mak Ministériu Justisa liuhosi Diresaun Terra no Propriedade,” nia akresenta.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here