Diretór Jerál Planu no Parseria, Ministériu Edukasaun Juventude no Desportu (MEJD), Antoninho Pires. Imajen/Tatoli

DILI, 14 novembru 2019 (TATOLI) – Diretór Jerál Asuntu Polítika Planeamentu no Parseria, Ministėriu Edukasaun, Juventude no Desportu (MEJD), Antoninho Pires hateten, governu identifika ona eskola sira ne’ebė komunidade okupa kuaze tinan 10 resin maibé tribunal foin mak  notifika komunidade ne’ebė hela iha aredós Eskola EBC (Ensinu Báziku Siklu) Akadiruhun.

“Ita iha ona informasaun katak Tribunál mós fó ona notifikasaun ba ita-nia komunidade ne’e maibe to’o seidauk iha rezultadu ezekusaun,” informa Diretór Antoninho Pires ba Ajénsia TATOLI iha Salaun Luz Clarita, Acait, kinta (14/11).

Nia informa, MEJD iha ona polítika ida hodi halo hela koordenasaun ho komunidade ne’e atu bele hetan solusaun ba asuntu ne’e tanba iha ne’ebė de’it areadór ka kompleksu eskola nian labele iha komunidade hela iha laran.

Patrimóniu estadu nian hanesan kompleksu ka bens e movies ne’e pertense ba estadu nian. Ne’e duni, propriadade estadu nian dirasaun terras mak sei trata parte MEJD hein ninia rezultadu.

Tanba loloos ne’e kompleksu eskola nian tenke husik ba estudante sira mak utuliza hodi hala´o sira-nia aktividade maibé komunidade mak hela hotu iha laran konsidera prejudika ona atividade eskola nian.

“Tan ne’e presiza iha asaun ruma ho maneira di´ak atu bele muda komunidade ne’e ba fali fatin seluk atu estudante sira bele livre alkansa sira nia programa eskola,” hateten Diretór Antoninho Pires.

Notísia relevante:Sala-de-aula EBC Bidau Seidauk Sufisiente Ba Estudante Sira

Jornalista : Tomė Amado

Editór       : Rafy Belo

HAKEREK NO HATÁN

Please enter your comment!
Please enter your name here