Xefe negosiadór ba negosiasaun Fronteira Marítima ho Indonézia no Austrália, Kay Rala Xanana Gusmão. Foto dokumentasaun Tatoli

DILI, 27 fevereiru 2020 (TATOLI)-Xefe Negosiadór Prinsipál Fronteira Marítima entre Timor-Leste ho Austrália, Kayrala Xanana Gusmão agradese ba nasaun partisipante Fórum Organizasaun Sudezte Aziátiku (ARF-sigla inglés) no perítu internasionál sira ne’ebé maka kinta ohin,partisipa semináriu internasionál ARF iha Dili.

“Agradese no hako’ak boot ba estadu membru hotu ne’ebé disponibel partisipa iha semináriu Asian Regional Forum (ARF) ne’e hodi hamutuk ho Estadu Timor-Leste hodi koa’lia kona-ba rezolusaun desputa no lei tasi nian,”dehan Xanana Gusmão, ba partisipante sira durante  semináriu ARF iha Edifísiu Ministériu Finansa, Aitarak-Laran Dili.

Notísia Relevante :Esperiénsia TL ho Austrália Sai Tópiku Diskusaun iha Semináriu ARF

Nia dehan Timor-Leste orgullu tebes ho prezensa péritu legál no teknikál, diplomata no akadémiku estranjeiru tanba fahe ona sira-nia matenek iha área rezolusaun disputa no lei tasi nian.

“Timor-Leste hein atu rona hosi péritu sira hotu no aprende esperénsia ho ksolok simu reprezentante senior marítima  hosi  Indonézia no Austrália. Ida ne’e inklui Damos Agusman, Diretor Jeral ba Lei Internasionál no Tratadu husi Ministériu Negósiu Estranjeiru Indonėzia nian, no parseiru ba diskusaun fronteira marítima nian, Embaixadór Gary Quinlan,”tenik, Lidér Karismátiku ne’e.

Notísia Relevante :Nasaun 27 Partisipa Reuniaun ARF iha Dili

Xanana mós agradese ba nasaun Malázia, Austrália tanba hamutuk ho Timor-Leste hodi organiza eventu Internasionál ne’e.

Eis Primeiru Ministru  ne’e esplika  dadaun ne’e kuaze kazu  400 disputa ketan tasi maka seidauk resolve iha mundu hodi hamosu konflitu no inseguransa.

Notísia Relevante :Eventu ARF Diskute Kestaun Seguransa No Defeza Nível Multilaterál

“Ita hatene ho di’ak tebes iha ita-nia rejiaun rasik ne’ebé disputa fronteira marítima kria situasaun la hakmatek no diskonfiansa Ita mós hatene ida ne’e liuhosi Timor-Leste nia esperénsia rasik. Disputa naruk ho Austrália la fó dalan ba kooperasaun marítima no dezenvolvimentu ekonómika.”dehan Xanana.

Xanana Gusmão informa Timor-Leste orgullu tanba konsege resolve ninia fronteira tasi ho Austrália .

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here