Nasaun sira membru ba ARF. imajen espesiál

DILI, 17 fevereiru 2020 (TATOLI)-Responsavel Diresaun Polítika no Seguransa ba Organizasaun Sudeste Áziatiku (ASEAN), iha Ministériu Negósiu Estranjeiru no Kooperasaun, Sandra Fátima Castro Rego Ximenes, informa nasaun hamutuk 27 sei partisipa  reuniaun Asian Regional Forum (ARF-sigla inglés) iha Dili durante loron rua hahú 27 to’o 28 fulan-fevereiru 2020.

Nasaun 27 hanesan, Austrália, Banglades, Brunei Darusalam, Cambodia, Cánada, Uniaun Europeia, Índia, Indonézia, Japaun, Laos, Malázia, Mongolia, Myanmar, Nova Zelándia, Pakistaun,  Papua Nova Guiñe, Filipina, Rusia, Singapura, Korea  Súl, Srilanka, Thailandia, Estadu Unidu Amérika,  Vietname inklui Timor-Leste.

Notísia Relevante :Eventu ARF Diskute Kestaun Seguransa No Defeza Nível Multilaterál

“ARF agora dadauk ne’e Timor – Leste hamutuk ho Australia no Malázia mak prezide ba eventu ARF mak Workshop on Dispute Resolution in Love the Sea ne’ebé sei hala’o iha salaun Ministériu Finansa nian. Eventu ne’e mós ami servisu hamutuk ho Gabinete Fronteira Maritima hodi haree ba asuntu ne’e (Tasi),” dehan Sandra ba TATOLI, iha Edifísiu MNEK, Praia dos Coqeiros Dili, ohin.

Asuntu disputa Fronteira Marítima no esperénsia Timor-Leste nia susesu rezolve fronteira tasi ho Austrália mós sei deskute iha reuniaun ARF iha Dili.

Notísia Relevante :Nasaun Membru ARF Partilla Esperiénsia Rezolve Konflitu Iha Timor-Leste

“Asuntu atu koa’lia iha enkontru ne’e mak oinsá haree ba isu juridisaun Fronteira Marítima Timor-Leste ho Australia. Rezolusaun kona-ba disputa ne’e rasik nune’e koa’lia mós kona-ba esperensia ita ho Austrália ne’ebé rezolve disputa liga ba Fronteira Maritima. Nune’e koa’lia mós kona-ba lei tasi nian,” Nia relata.

Timor-Leste sai membru ba Asian Regional Forum iha tinan 2005 liubá tanba ne’e TL partisipa ativu ona iha eventu hotu-hotu ARF nian.

Alende ne’e, iha  tinan 2011 no 2017, Timor-Leste organiza ona eventu ARF. Asian Regional Forum harii hosi ASEAN hodi foka liu ba asuntu polítika no seguransa iha Rejiaun Sudeste Áziatiku.  No fó mos oportunidade ba nasaun sira hosi Rejiaun Afrika, Amérika, Uniaun Europea atu partisipa hodi asegura seguransa nivél mundiál.

“Durante ne’e Timor – Leste sai membru ARF ne’e 2005 liu-ba. Ita mós partisipa ativu iha eventu no reuniaun sira ARF nian. Ita mós organiza bebeik ona hanesan 2011-2017 no foin lalais ne’e mós ita organiza iha ARF Whorsop. Entaun iha tinan ida ne’e ita organiza fali eventu ida ne’e kona-ba disputa Fronteira Maritima,”katak, Sandra.

Jornalista: Hortencio Sanchez

Editór      : Agapito dos Santos

HAKEREK NO HATÁN

Please enter your comment!
Please enter your name here