Logotipu KAK

DILI, 24 fevereiru 2020 (TATOLI) – Tuir Perspetiva hosi parte sosiedade sivíl no igreja ba servisu Komisaun Anti Korrupsaun (CAC) durante tinan 10 (2010-2020) hala’o ona papél importante tuir misaun no vizaun sira.

Notísia Relevante : PR Haksolok no Preokupa Ba Tinan 10 Ezisténsia KAK

Madre  Guilhermina Marsal hateten, jornada KAK nian kompleta tinan 10 hanesan esperiénsia ida hahú moris atu lao ba oin liu tan.

“Durante KAK hala’o nia kna’ar independente, laiha inklinasaun polítika no intervensaun sira hodi hala’o sira nia kna’ar ho di’ak hodi solusiona problema korrupsaun iha rai laran,” hateten Madre Guilhermina Marsal ba Ajénsia Tatoli, iha ámbitu komemorasaun loron ezisténsia KAK ba dala-10, ohin, iha salaun Ministériu Finansa (MF), Ai-tarak Laran, Dili.

Nia hateten, KAK nia servisu durante ne’e iha progresu tanba kazu korrupsaun no abuzu podér balun  konsege lori ona ba tribunál. Tanba ne’e nia kontinua husu ba KAK atu  servisu ho parte hotu hodi kombate korrupsaun iha Timor-Leste.

Notísia Relevante : KAK Husu PN Aselera Lei Anti-Korrupsaun

Biban hanesan diretór CEPAD, João Boavida hateten, bainhira iha ona lei anti-korrupsaun no estratéjia nasionál kombate korrupsaun iha tinan 10 mai KAK sei forte liu tan hodi hametin estadu direitu demokrátiku ba rejeisaun korrupsaun.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here