Virgílio da Silva Guterres .Imajen/Tatoli Egas Cristovão

DILI, 07 Fevereiru 2020 (TATOLI)- Prezidente Conselho de Imprensa (CI), Virgílio da Silva Guterres hateten, papél CI depende barak liubá komponente ne’ebé la do’ok hosi Jornalista, Komunikasaun Sosiál, Media sira-nia papél sira, tanba ne’e CI mosu hodi superviziona.

Mandatu CI atu fó apoiu, kapasitasaun ba asosiasaun jornalista sira, hanesan; kapasitasaun intelektuál, tékniku no profesionalizmu.

Kapasidade intelektuál ne’e katak kapasidade ba interpretasaun notísia no konteudu. Kapasidade ne’e maka halo jornalista sira hanesan komponente ne’ebé bele hateten katak domina liu situasaun hotu iha rai-laran ka domina kle’an liu kona-ba situasaun ekonomia nia lala’ok.

Kapasitasaun téknika ne’e refere ba parte  ne’ebé  prepara estudante sira ba jornalista ka media sira.

Kapasitasaun ne’e iha komponente rua ne’ebé sai fatór importante hola parte no halo papél iha komunikasaun polítika maka media no akadémiku sira.

“Iha fatin barak debate lider polítiku, hosi parte Middle Media no Middle akadémiku  bele fó sira-nia referénsia sira akadémiku nian  hodi kontribui ba polítika sira hodi haree no ida ne’e ita seidauk iha maibé ita media dalabarak sei hakerek kona-ba saida maka polítiku sira halo, la’ós politík sira nia debate kona-ba saida maka ita hakerek,” Prezidente CI, Virgílio Guterres argumenta iha nia intervensaun, iha Kongresu AJTL nian, iha Raikotu, Comoro, ohin.

Notísia relevante:Jornalista Profesionál Hatene Uza Papel Media

Iha biban hanesan, Prezidente CI ne’e enkoraja nafatin asosiasaun jornalista sira atu kontinua fó  formasaun ne’ebé adekuadu ba membru jornalista sira hodi bele uza kapasidade ne’ebé iha hodi fó sai informasaun ne’ebé ba interrese vida nasionál no públiku nian.

Notísia relevante:AJTL-TLPU Presiza Fó Formasaun Espesífika No Avansada Ba Jornalista

Jornalista: Nelia Borges

Editór      : Rafy Belo

HAKEREK NO HATÁN

Please enter your comment!
Please enter your name here