Reprezentante Komandante Polísia Komunitária Postu Administrativu Vera Cruz, Inspetór Polísia António Guterres de Carvalho bainhira entrega sertifikadu ba formandu Sentru formasaun CANXIGO. Imajen: Felicidade Ximenes

DILI, 17 dezembru 2019 (TATOLI) -Komando Polísia Nasionál Timor- Leste (PNTL) Postu Administrativu Vera Cruz apresia joven 127 ne’ebé formadu ona husi kursu jornalizmu iha sentru formasaun CANXIGO. Maibé, komandu polísia fó hanoin ba joven formandu sira ne´e katak bainhira sai jornalista ida profesionál divulga informasaun ho edukativu ba sosiedade sira.

Jornalista profesionál mak sira ne’ebé hatene uza papel media nian hodi divulga informasaun ba komunidade no ba públiku ho adukativu.

Reprezentante Komandante Polísia Komunitária Postu Administrativu Vera Cruz, Inspetór Polísia António Guterres de Carvalho hateten jornalista mak sei hakle´an informasaun ba povu iha Timór laran tomak tanba ne’e labele uza media komunikasaun hodi ataka fali ema seluk nia privasidade.

“Ha’u husu ba ita-bo’ot sira ne’ebé formadu ona atu uza didi´ak imi nia kna’ar ida ne’e ho loloos. Labele hakerek fali buat ne’ebé la importante no ikus mai hamosu problema no afeta ba imi-nia karreira profésional,” Friza inspetór António iha serimónia enterega sertifikadu ba formadu sira iha Sentru Treinamento CANXIGO, Balide (17/12/2019).

Inspetór Polísia António Guterres akresenta, nu’udar ema ne’ebé servisu iha área seguransa no dala barak liu moris hamutuk iha sosiadade haree hetan kauza sira hanesan ne’e dala barak.

Nu’udar autoridade seguransa iha nafatin obrigasaun atu fó hanoin mós ba formandu sira atu kuida didi´ak karreira profesionál.

“Buka hakerek tuir padraun no tuir mós regulamentu interna instituisaun atu nune’e bele fó nafatin benefisiu ba ita-bo’ot sira liuliu mós ba instituissun ne’ebé ita-bo’ot sira sei inteira an ba,” nia fó hanoin.

Notísia relevante:Uza Media Ho Responsabilidade

Jornalista        : Tomé Amado

Editór              : Rafy Belo

HAKEREK NO HATÁN

Please enter your comment!
Please enter your name here