Arguido sira ne'ebé deskunfia involve iha kazu Kuluhun sa'e fali karreta Prizionál hodi ba kumpri prizaun preventiva iha Prizaun Becora, Dili. Imajen/Domingos Piedade

DILI, 07 fevereiru 2020 (TATOLI) – Tribunál Distritál Dili (TDD), ohin, adia hikas alegasaun final ba kazu Kuluhun ba loron 13 fevereiru 2020.

Notísia Relevante : Kazu Kuluhun, PR Kondena Oknum Polisia Tanba Atua Fora de Regra

Kazu omisídiu ne’e akontese iha loron 18 novembru 2018, ne’ebé envolve husi arguido na’in rua nu’udar membru Polisia Nasional Timor-Leste ho inisiál JPA ho FMS.

Defensór Públiku, Eustáquio Guterres, husu ba juiz koletiva adia tiha alegasaun final ba tempu seluk, nune’e mak husu prazu loron lima  atu halo estudu ba kazu ne’ebé mak konsidera komplikadu  tebes, liuliu ba parte  hotu ne’ebé mak sai vítima ba kazu ne’e.

Pedidu Defeza Estáquio Guterres ne’ebé fó asisténsia legal ba arguido na’in rua nu’udar membru Polisia Nasional Timor-Leste ne’e hetan konkordansia husi Prokuradór Jacinto Babo, ne’ebé reprezenta Ministériu Públiku iha prosesu justisa legal ne’e.

Notísia Relevante : MRKF Realiza Diálogu no Reflesaun Kona-ba Trajédia Kuluhun

Audiénsia julgamentu ne’e, prezide juiz koletivu, Sribuna da Costa, Edite Palmira, no Evangelinho Belo, Ministériu Públiku reprezenta husi Prokuradór Jacinto Babo no arguido nain rua hetan asisténsia legal husi advogadu privadu, Pedro Apariçio ho Defensor Públiku, Eustáquio Guterres.

Notísia Relevante : Governu Hato’o Sentidu Kondolénsias Família Matebian Iha Kuluhun

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here