Inundasaun iha area Tasi Tolu hafoin udan dia 22 kalan to 23 dader iha kapital Dili, 23 janeiru 2019. Imajen/António Gonçalves

DILI, 27 janeiru 2020 (TATOLI)-Sekretáriu Estadu Protesaun Sivíl (SEPS), segunda ohin, re-aloka ona família hamutuk 13 ba sira-nia uma iha Tasi-Tolu Dili.

Família evakuante hirak ne’e, iha kinta semana kotuk (23/01/2020) obrigadu tenke evakua hodi  bá hela provizóriu iha Kazerna Bombeiru no Dom Bosco Comoro Dili, durante loron haat tanba akontese inundasaun bee tama sira-nia uma.

Notísia Relevante:Inundasaun Tasi-tolu, Uma Kain 37 Evakua ba Don Bosco ho Bombeiru

Sekretáriu Estadu, Alexandrino Xavier Araújo, informa re-alokasaun ne’e baseia ba pedidu hosi evakuante sira-nian tanba sente konfortavel ona atu fila bá ida-idak nia hela fatin.

“Ohin família vítima sira ne’e husu hakarak fila ba sira-nia uma,” dehan Governante ba Agência TATOLI, iha Kazerna Bombeiru Kampung-Baru Comoro, ohin.

Notísia Relevante:Dadus SEPS: Sasán Família 240 Hetan Estragu

SEPS entrega apoiu emerjensia ba vitima inundasaun iha Suku Manleuana, Postu Administrativu Don Aleixo, Munisípiu Dili, 03/01/2020. Imajen/ Egas Cristovão

No tuir oráriu iha tersa (28/01/2020, aban sei re-aloka tan família hamutuk 17 ho totál ema 40-resin ba sira nia uma.

Governante hatete, durante iha fatin evakuasauun, governu fó ona asisténsia sosiál ho dignu liliu apoiu aihan, fatin toba no tratamentu saúde ba vítima sira.

Notísia Relevante:Estrañu! Eipah, Joven Millenial Halimar PUBG?

Tuir relatóriu  SEPS nian, família 301 iha Dili maka sai vítima ba problema inundasaun ne’ebé akontese iha semana kotuk iha Suku Madohi, Comoro, Becora no Metiaut Dili.

Hosi totál vítima hirak ne’e, antes ne’e governu distribui ona apoiu emerjénsia ba família 102, no segunda ohin, apoiu tan ba família 198 iha Terra-Santa Suku Comoro.

Notísia Relevante:IJE, EDTL, DNAS no Bombeiru Foti Solusaun Urjente ba Inundasaun iha Tasitolu

Entretantu, komunidade afetadu Ana da Costa agradese bá governu ho parseiru sira tanba fó ona apoiu no asisténsia durante hela iha evakuasaun Comoro.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here