SEPS entrega apoiu emerjensia ba vitima inundasaun iha Suku Manleuana, Postu Administrativu Don Aleixo, Munisípiu Dili, 03/01/2020. Imajen/ Egas Cristovão

DILI, 24 janeiru 2020 (TATOLI)-Governu liuhosi Sekretáriu Estadu Protesaun Sivíl (SEPS) prevee ona dotasaun orsamentu temporáriu (DOT) $ 50.000 hodi atende dezastre naturál durante fulan-janeiru 2020 iha territóriu Timor-Leste.

“Ita tau Orsamentu maizumenus rihun $ 40 to’o ba $ 50 hodi halo atendimentu dezastre naturaís ninian, “informa,” Sekretáriu Estadu Protesaun Sivíl, Alexandrino Xavier Araújo ba Agência TATOLI, iha Kazerna Bombeiru Kampung-Baru, ohin.

Notísia Relevante: SEPS Hetan DOT Millaun $ 5-Resin

Orsamentu ne’e sei uja hodi sosa materiál ba apoiu emerjénsia ninian hanesan item ba hahan hanesan  foos, mina, supermi no sasan uma laran hanesan sabaun, lona no seluk tan.

“Tanba Dadaun ne’e sasan ba ajudu umanitária hanesan tipu emerjénsia estok menus iha nasionál no munisípiu sei bele atende to’o marsu,nune’e presiza sosa tan hodi rezerva ba atendimentu iha tinan ne’e nia laran,”katak Governante.

Notísia Relevante: Liña Ministeriais Koordena Malu Hodi Haree Vítima Dezastre Naturaís

Iha parte seluk, Sekretáriu Estadu Alexandrino Xavier Araújo, agradese ba apoiu hosi parseiru internasionál UNDP, UNICEF, Plan Internasionál, World Food Programe (WFP-sigla inglés), Cruz Vermella Timor-Leste (CVTL) Asosiasaun Xinéza iha Timor-Leste no seluk tan ne’ebé maka fó ona apoiu hodi responde dezastre naturaís.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here