Sekretáriu Estadu ba Protesaun Sivíl, Alexandrino Xavier de Araújo. Imajen/António Goncalves

DILI, 20 janeiru 2020 (TATOLI)-Sekretáriu Estadu Protesaun Sivíl (SEPS) dadaun ne’e simu ona dotasaun orsamentu temporáriu (DOT) millaun $ 5-resin hosi Ministériu Financas atu ezekuta ba fulan-janeiru hodi hein prosesu aprovasaun OJE 2020.

Sekretáriu Estadu Alexandrino Xavier de Araújo, informa hosi totál orsamentu DOT ne’e sei ezekuta ba saláriu vensimentu no bens servisu.

Mezmu ho limitasaun orsamentu  ne’ebé maka akontese ne’e sei la prezudika servisu administrasaun no atendementu emerjénsia sira liliu ba dezastre naturaís no inséndiu.

“Maske ho orsamentu duodésimu governu garante nafatin ba atendimentu sira,”dehan, Sekretáriu Estadu Protesaun Sívil, ba TATOLI iha ninia servisu fatin, Caicoli Dili,ohin.

Iha parte seluk, ho utilizasaun orsamentu duodésimu ne’e prezudika governu atu halo extensaun kontratu ba funsionáriu kontratadu SEPS nian hamutuk ema na’in 60.

Entretantu, SEPS iha funsionáriu permanente 4000-resin no kontratadu na’in 60, kompostu hodi Diresaun Nasionál Seguransa Patrimóniu Públiku, Diresaun Dezastre, Diresaun Prevensaun konflítu no Diresaun Korpu Bonbeirus.

Jornalista : Nelson de Sousa

Editór : Francisco Simões

HAKEREK NO HATÁN

Please enter your comment!
Please enter your name here