Ministru Ensinu Superiór, Siénsia no Kultura, Longuinhos dos Santos. Imajen/TATOLI

DILI, 23 janeiru 2020 (TATOLI) – Ministériu Ensinu Superiór Siénsia no Kultura (MESSK) sei utiliza orsamentu duodésimu ho montante rihun $542,240 hodi alkansa ninia programa kona-ba prosesu ingresu no programa diseminasaun no formasaun polítika nasionál ensinu superiór nian.

Orsamentu duodésimu ka Dotasun Orsamentu Temporáriu (DOT) ne’e kategoria ba fulan janeiru nian.

Notísia relevante:Orsamentu Duodésimu Ba SEAK Hamutuk $145,837

Ministru Ensinu Superiór Siénsia no Kultura (MESSK), Longuinhos dos Santos hateten, agora daudaun laiha planu prioridade foun mak MESSK sei halo iha 2020 ne’e tanba Orsamentu Jerál Estadu (OJE) iha Parlamentu Nasionál. Tan ne’e MESSK utiliza de’it DOT 2019 nian hodi kontinua programa tinan kotuk nian.

“Agora ko’alia kona-ba implementasaun planu ka programa diseminasaun no formasaun polítika nasionál ensinu superiór nian MESSK sei akumula informasaun hotu husi membru parlamentu nasionál sira, sosiadade sívil, matenek husi sientista sira mós,” Ministru Longuinhos dos Santos ba Agência TATOLI iha edifísiu MESSK, Colmera, ohin.

“Ita halo ida ne’e hodi sai nu’udar polítika nasionál ensinu superiór nian atu nune’e ba futuru ita hotu bele la’o tuir de’it polítika ida ne’e,” nia reforsa.

Governante ne’e dehan maske OJE 2020 la pasa maibé MESSK nafatin ezerse ninia programa sira. “Tan ne’e ho osan duodésimu 2019 nian ministériu hahú ezekuta ona iha janeiru tinan ne’e”.

Notísia relevante:OJE 2020 Ba MESSK Redus

Jornalista    : Tomé Amado

Editór          : Rafy Belo

HAKEREK NO HATÁN

Please enter your comment!
Please enter your name here