Ministru Ensiñu Superiór, Siénsia no Kultura, Longuinhos dos Santos. Imajen Tatoli/Egas Cristóvão

DILI, 12 dezembru 2019 (TATOLI) –Ministru Ensinu Superiór, Siénsia no Kultura (MESSK), Longuinhos dos Santos konsidera redusaun Orsamentu Jerál Estadu (OJE) 2020 ba MESSK ho montante millaun 7.209,690 ne’e la sufisiente atu kobre programa prioridade ne’ebé ministériu planeia ona. Maibé, tanba orden MESSK tenta atu jere orsamentu ne’e atu bele alkansa planu sira ne’e.

Montante orsamentu ne’e mak sei koloka ba parte rua mak hanesan MESSK no Arte Kultura. Ita tenta atu jere ho didi´ak orsamentu ne’e ba ita-nia atividade prioridade ne’ebé mak ita planeia ona,” kompromete Ministru Longuinhos dos Santos, iha salaun Katedrál Vila Verde, ohin.

Governante ne´e esplika, mezmu ezekusaun orsamentu MESSK nian atinji 80%, kuandu konta ho komprimisu 82% maibé orden redusaun ne’e MESSK tenke simu. Haree ba montante OJE 2020 ne’e la sufisiente, maibé, tuir Ministru Longuinhos dos Santos katak MESSK prontu hala’o tanba ordem.

Programa prioridade ba 2020 nian ne’ebé MESSK tenke realiza, tuir ministru, mak polítíka nasionál ensinu superiór nian no mós Arte no kultura nian mak estabelese akadémika arte no industria, prezerva kultura, prezervasaun uma-lulik inklui promove atividade kulturál sira hotu.

Ezekusaun OJE 2019, Ministru Longuinhos dos Santos akresenta MESSK tama iha padraun (standar) ho faze normál tanba tuir avaliasaun hetan kategoria di´ak maibé MESSK hakarak halo di´ak liután iha 2020. Ne’eduni MESSK hamutuk ho SEAK inklui diretór jerál sira hala’o enkontru alargada ne’e atu deteta problema saida mak ministériu ne’e enfrenta atu bele hadia iha futuru.

MESSK nu´udar instituisaun estadu ne’ebé foun, esforsa hadi´a ninia aan iha dezempeñu servisu iha liña koordenasaun.

Notísia relevante:Ezekusaun Orsamentu MESSK Agora Atinje 71%

Jornalista : Tomé Amado

Editór  : Rafy Belo

HAKEREK NO HATÁN

Please enter your comment!
Please enter your name here