Ekipa Bombeiru rega mate ahi ne'ebeé han motor iha area Hudi Laran, Bairru Pité, Dili, Kinta (15/08/2019). Imajen/Nelson de Sousa

DILI, 15 janeiru 2020 (TATOLI)-Komandante Guarda Bombeiru Timor-Leste, Fernando da Costa, husu ba komunidade atu informa no koordena ho Bombeiru bainhira atu tesi ai-hun ka ai-sanak ruma ne’ebé mak bele lori risku ba komunidade nia vida.

Notísia Relevante : Korpu Bombeiru iha Rekursu Sufisiente

“Iha époka udan no anin, ikus-ikus ne’e, ha’u hakarak husu ba komunidade atu koordena no halo pedidu ho parte Bombeiru atu tesi ai-sanak sira ne’ebé tabele fó risku komunidade nia vida no movimentu,” hateten Fernando da Costa, ohin, ba Ajénsia TATOLI iha nia servisu fatin, Caicoli, Dili.

Kona-ba preokupasaun ema balun nian tesi-ai bele estraga ambiente, Fernando da Costa, salienta katak, Bombeiru sempre kolabora ho parte ekipa ambiente bainhira atu tesi-ai ruma hodi haree ba ninia idade no nia potensialidade.

“Ezemplu ai-hun boot ida nia iha leten sanak ida tabele de’it, ita mós sei haree ai ne’e tuan liu entaun tesi tomak, maibé seidauk tuan ita so bele tesi de’it ida tabele ne’e mais ida ne’e ita sei konsulta ho parte ambiente,” Fernando hateten.

Notísia Relevante : Bombeiru Laiha Ekipamentu Pezadu

Durante ne’e, nia hatutan, Bombeiru mós servisu hamutuk ho parte diresaun Servisu Eletrisidade Timor-Leste (EDTL) hodi apoiu drone tesi ai-sanak ne’ebé fó risku ba movimentu públiku.

Jornalista : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here