Embaixadór Australia mai Timor-Leste, Pitter Robert, entrega simbolikamente apoia ekipamentu Bombeiru nian ba Diretór Jerál Sekretáriu Estadu Protesaun Sivíl, Ismael da Costa Babo. Imajen/Nelson de Sousa

DILI, 06 janeiru 2020 (TATOLI)-Sekretária Estadu Protesaun Sivíl (SEPS) sei asina akordu kooperasaun (MoU-sigla Inglés) ho Governu Northern Territory Austrália atu fasilita korpu Bombeiru Timor-Leste ba tuir formasaun iha Australia.

Notísia Relevante : Austrália Sei Oferese Bolsa Estudu Ba Estudante 200 Iha Nível Sekundária

Sekretáriu Estadu Protesaun Sivíl, Alexandrino Xavier de Araújo, informa, formasaun ne’e sei foku ba iha area espesializada ho nivel avansadu hodi aumenta liu tan korpu Bombeiru nia koñesimentu no abilidade atu bele enfrenta dezastre ho inséndiu sira ne’ebé ho eskalaun boot.

Ba Ajénsia TATOLI iha Edifísiu Ministériu Finansa, Dili, segunda (06/01/2020), Sekretáriu Estadu  Alexandrino Xavier de Araújo, espera katak, ho formasaun ne’e bele prepara di’ak liu tan rekursu umanu ida kualifikadu iha Servisu Bombeiru nian.

Iha semana kotuk, Sekretáriu Estadu Alexandrino Xavier de Araújo, hala’o ona vizita ba iha Austrália, hodi kontinua hametin lasu amizade ho Governu Northern Territory Australia.

Notísia Relevante : Austrália Apoiu Millaun $35 ba Programa Nabilan

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here