Komunidade sira iha Tasitolu nadodon hela ho sira nia jerigen hodi kuru bee.Imajen/Antonio Goncalves.

DILI,11 dezembru 2019 (TATOLI)-Populasaun Aldeia haat iha Suku Manleuana,Postu Administrativu Dom Aleixo Munisípiu Dili, oras ne’e infrenta problema falta bee moos tanba afeita hosi bailoron naruk halo bee matan maran.

Xefe Suku Manleuana Jacob Tilman Soares ba Ajénsia TATOLI, tersa (10/12), informa aldeia haat ne’ebé maka falta bee moos nee hanesan Ramelau, Laulora, Maleuana no Mauk.

Notísia Relevante:Bee Moos iha Kapitál Dili Komesa Menus

Durante ne’e, Nia dehan, populasaun hamutuk 4.427  maka asesu bee moos hosi kanalizasaun Servisu Agua no Saniamentu (SAS) Munisípiu Dili, maibé dadaun ne’e konsumidór barak la asesu ona bee moos.

Notísia Relevante:Débitu Bee Menus ba Beibeik

Atu buka solusaun ba problema falta bee moos ne’e maka Xefe Suku Manleuana hato’o ona proposta ba Diresaun Nasionál Servisu Agua (DNAS) atu fornñese bee moos ba ninia komunidade durante bailoron naruk.

Notísia Relevante:Konserva Bee-Matan Ba Bailoron Naruk Tenke ‘Hakribit’ Sunu no Tesi Ai Arbiru

“Ami halo proposta ba Servisu Água no Saneamentu (SAS) atu loke tan bee iha suku ne’e atu ami bele hetan bee,”dehan, Xefe Suku Manleuana, Jacob Tilman Soares iha Sede Suku Manleuana.

Jornalista:Osória Marques

Editór:Francisco Simões

HAKEREK NO HATÁN

Please enter your comment!
Please enter your name here