Karreta sira tula sasan nesesidade bazika iha area Fronteira Batugade, Munisipiu Bobonaro atu mai Timor-Leste.Imajen:Agapito dos Santos

BOBONARO, 10 dezembru 2019 (TATOLI)-Servisu Autoridade Aduaneira Munisípiu Bobonaro durante fulan sanulu-resin-ida hahú janeiru to’o novembru 2019  rekolla ona taxa husi importasaun no esportasaun sasan nesesidade báziku, materiál konstrusaun, no seluktan hamutuk $ 879,908.05 ba kofre estadu.

Diretór Autoridade Aduaneira Munisípiu Bobonaro, Alberto Seixas, informa taxa importasaun hirak fahe ba kategoria import customs duty, excise tax, sales tax, processing fee no penalidade.

 Notísia Relevante:Alfándega Rekolla Reseita Millaun U$75

Nia dehan, import customs duty durante janeiru to’o novembru hamutuk $371,005.42, Excise Tax hamutuk $ 107,498.30, Sales tax $385, 701.50, processing fee $12,222.00 no penalty ka penalidade hamutuk $ 3,480.83.

“Sasan Komérsiu tenke selu taxa maibé sasan uja ba privadu ho valór $300 mai kraik ne’e la selu,”informa Alberto Seixas, ba TATOLI, iha Motain segunda horiseik.

 Notísia Relevante:Autoridade Aduaneira Rekolla Reseita Millaun $46

Tuir estatutu organika Autoridade Aduaneira númeru 14/2017  fó kompotensia ba instituisaun estadu ne’e hodi  kobra taxa ba kofre estadu.

“Iha dekretu lei ne’e maka koalia kona-ba knaar no devér alfándeg, rekolla taxa,penalidade no seluktan, tanba ne’e ami halo kobransa baseia ba lei,”tenik tan.

 Notísia Relevante:Fulan Ualu, Alfándega Covalima Rekolla Taxa $55.510,87

Servisu Aduaneira, durante ne’e adopta ona sistema Asycuda World  hodi ajuda  Alfândega ho broker  atu bele hala’o servisu ho lalais no responsabilidade, ho hanoin ida katak liuhosi Sistema ASYCUDA World bele atrai investidór  sira hodi mai hala’o investimentu.

“Osan sira (broker) ka na’in sira selu direta iha Banku Nasionál Ultramarinu (BNU-sigla portugés) ne’ebé dadaun ne’e estabelese iha ne’e tanba ne’e bainhira selu osan tama kedas kofre estadu,”Nia hateten.

Notísia Relevante:AA Rekolla Ona Osan Millaun $65 Hosi Trajetu MF Millaun $72

Diretór Autoridade Aduaneira Munisípiu Bobonaro, Alberto Seixas, hatete kobransa taxa ba fulan-dezenbru nian sei públika iha loron ikus fulan nian.

Jornalista:Agapito dos Santos

Editór   :Francisco Simões

HAKEREK NO HATÁN

Please enter your comment!
Please enter your name here