Sekretária Estadu Igualdade no Inklusaun, Maria José da Fonseca Monteiro de Jesus. Imajen/ António Goncalves

DILI, 03 dezembru 2019 (TATOLI)- Sekretária Estadu Igualdade no Inkluzaun (SEII), iha semana ne’e, sei submete relatóriu The Convention on the Elimination of all Forms Discrimination Against Women (CEDAW) ba Organizasaun Nasoins Unidas (ONU).

Notísia Relevante : SEII Prepara Ona Relatóriu CEDAW Atu Aprezenta ba ONU

Sekretária Estadu Igualdade no Inkluzaun,  Maria José da Fonseca Monteiro, ba Ajénsia TATOLI, ohin,  iha Parlamentu Nasional, relata katak, Governu liuhosi reuniaun Konsellu Ministru aprova ona ezbosu finál ba relatóriu CEDAW hafoin konsulta ho Ministériu Justisa, Ministériu Saúde, Ministériu Edukasaun Juventude no Desportu, Ministériu Solidariedade Sosiál no Inkluzaun, Sekretária Estadu Polítika Formasaun Profisionál no Empregu (SEFOPE), Parseiru Internasionál no Sosiedade Sivíl.

“Ami-nia  ekipa hadi’a didi’ak dokumentu ne’e, atu nune’e, iha semana ida ne’e  laran ita bele haruka ona ba komité CEDAW,” hateten Maria José da Fonseca Monteiro.

Notísia Relevante : Novembru, TL Submete Relatóriu CEDAW

Relatóriu ne’e  atu haree progresu saida maka Estadu Timor-Leste kria ona ba feto sira liuliu asesu ba setór  edukasaun, saúde, justisa, polítika, ekonomia  no seluk tan.

Konvensaun Internasionál CEDAW ho ninia vizaun maka halo eliminasaun no diskriminasaun oioin hasoru feto. Timor-Leste ratifika ona konvensaun ONU ne’e iha tinan 2003 liubá tanba ne’e kada tinan haat estadu membru sira iha obrigasaun hodi relata ba ONU.

Jornalista : Nelson de Sousa

Editór       : Francisco Simões

 

1 KOMENTÁRIU

HAKEREK NO HATÁN

Please enter your comment!
Please enter your name here