Ilustrasaun CEDAW. Imajen/Girl’s Globe

DILI, 20 novembru 2019 (TATOLI) Iha reuniaun Konsellu Ministru kuarta ne’e, Sekretaria Estadu Igualdade no Inkluzaun, Maria José da Fonseca Monteiro de Jesus, aprezenta relatóriu finál kona-ba eliminasaun ho forma oioin ba diskriminasaun kontra feto (CEDAW-sigla ingles), ne’ebé sei aprezenta ba Organizasaun Nasaun Unida (ONU) iha tempu badak.

Timor-Leste ratifika ona konvensaun ONU ne’e iha tinan 2003 liubá, tanba ne’e kada tinan haat presiza aprezenta relatóriu.

Relatóriu ne’e relata pontu situasaun, dezafiu no progresu nasionál desde 2015 no haree katak eleminasaun ho forma oioin ba deskriminasaun kontra feto ho forma atu asegura prinsípiu igualdade entre feto no mane iha nível legál, sosiál, polítiku no kultur, tuir saida maka previstu onaiha artigu 17° Konstituisaun Repúblika Demokrátika Timor-Leste (RDTL).

“Konsellu Ministru rona aprezentasaun kona-ba CEDAW, ohin relatóriu versaun finál hodi elimina diskriminasaun no violensia kontra feto, hanesan ONU nia konvensaun ne’ebé ita mós nu’udar Estadu membru no sei aprezenta ba ONU”, tenik Ministru Estadu Prezidénsia Konsellu Ministru, Hermenegildo Augusto Cabral Pereira iha Palásiu Governu, kuarta ne’e.

Notísia Relevante: Novembru, TL Submete Relatóriu CEDAW

Antes elabora relatóriu ne’e, SEII halo konsultasaun ho liña ministeriál sira hanesan, Ministériu Justisa, Ministériu Saúde, Ministériu Edukasaun, Ministériu Solidariedade Sosiál no Inkluzaun, Sekretáriu Estadu Polítika Formasaun Profisionál no Empregu, parseiru internasionál no sosiedade sivíl sira.

CEDAW adota hosi Asembleia Jerál ONU iha 28 dezembru 1979 no tama ein vigor 3 iha setembru 1981.

CEDAW hanesan tratadu direitu umanu, ne’ebé nasaun hamutuk 185 estadu ratifika ona, inklui Timor-Leste.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here